Dream>>မျက်ဝန်းမှတဆင့်သို့မဟုတ်အချစ်ဆိုသည်မှာ

အချစ်ဆိုသည်မှာတဲ့ ကိုရုပ်ရင့်ကြီး အော်..မှားလို့... ကိုရဲရင့်နီ တက်ဂ်ထားတာပါ။ တက်ဂ်ကြွေးတွေ မကြေသေးတော့ စိတ်ထဲမှာလည်း ပို့စ်အသစ်တင်ဖို့ မရဲပါဘူး.. အဟဲ..ဆင်ခြေပေးနေတာ..တကယ်တော့ လုံးဝကို မအားတာပါနော်။ အဲဒီ ( အချစ်ဆိုသည်မှာ ) ကို မက်မက်ရဲ့ အဒေါ် တီတီဒွင်းက ရေးပေးထား ပြီးပါပြီ။ :P ဒါပေမယ့် ထပ်တက်ဂ်တယ် ဆိုတော့လည်း ထပ်ရေးပေးပါမယ်။ အမယ်..ရေးပေးမယ်ဒါ ပြောတာ သူတို့တွေ ရေးထားတာတွေက တော်တော်လေး ပြည့်စုံနေတော့ မက်မက်တို့ ဖတ်ရတာနဲ့တင် ရေးစရာ မကျန်တော့ဘူး...အဟဲ...အချစ်ဆိုသည်မှာ ဘာလဲ ဆိုတော့ လူတိုင်းလူတိုင်း သိစိတ်က မသိပေမဲ့ မသိစိတ်က သိနေတဲ့အရာပါ...အဟဲ..နဲနဲမြင့် သွားလား မသိဘူးနော်...... အဟိ ...အချစ်ဆိုတာ မတူညီတဲ့ လူနှစ်ဦးက တူညီအောင် ညှိပြီး အချစ်ပေါ် အချစ်ဆင့်ကာ မိသားစုဆိုတာ ဖြစ်လာပါတယ်၊ လူမှုအတိုင်းအ၀ိုင်း ဆိုတာတွေ ဖြစ်လာပါတယ်။ ပတ်ဝန်းကျင် ဆိုတာတွေ ဖြစ်လာတယ်။ မျိုးဆက်တွေ ပွားပြီးလာပါတယ်။ဒါကြောင့်

သူ+သူမ=အချစ်
သူ+သူမ+အချစ်=လက်ထပ်ခြင်း
သူ+သူမ+အချစ်+လက်ထပ်ခြင်း=သားသမီးရတနာ သူ+သူမ+အချစ်+လက်ထပ်ခြင်း+သားသမီးရတနာ=မိသားစု သူ+သူမ+အချစ်+လက်ထပ်ခြင်း+သားသမီးရတနာ+မိသားစု=ပြသနာ

ဆိုတာတွေ ဖြစ်လာတာပါ။ အကောင်းဆုံးကတော့ တဏှာဖက် မနွယ်တဲ့ အချစ်သည်သာ အေးမြတာပါ။ အချစ်ကြောင့် စွဲလမ်းမှု ဥပါဒါန် တွေ ဖြစ်ပြီး မလိုလားအပ်တဲ့ ပြသနာတွေကင်းတဲ့ ဖြူစင်တဲ့ အချစ်သည်သာ အေးမြတယ်လို့ ထင်ပါတယ်။ များများချစ်ရင် များများခံစားရပြီး နဲနဲပဲချစ်ရင် နဲနဲပဲခံစား ရတာပါ၊ အချစ်ကြီးလို့ အမျက်ကြီးသွားတဲ့ ဘုရားရှင် လက်ထက်က အကြောင်းလေးကို ပြောပြပါ့မယ်နော်။

ဘုရားရှင် လက်ထပ်က ၀ိနောဓ ဆိုတဲ့ဘုရင်တစ်ပါး ရှိပါတယ်။ သူ့မှာ အရမ်းချောမော လှပတဲ့ ဆန္ဒရလင်္ကာ ဆိုတဲ့ ကချေသည် ရှိပါတယ်။ သူမဟာဘယ်လောက်ထိချောလဲဆိုရင် ဘုရင် အပါအ၀င် စစ်သူကြီး သူဌေးကြီး တွေကပါ သူမရဲ့ ဆိုဟန်၊ ကဟန်တွေနဲ့ သူမရဲ့ ရူပါကို စွဲမက်တမ်းတ နေရတာပါ။ နိုင်ငံရဲ့ အလှဂုဏ်ဆောင် ဘုရင့်ကို ဖြော်ဖြေကပြရတဲ့ ကချေသည် ဆိုတော့ တော်ရုံချောတာ မဟုတ်ဘူးနော် ။အလွန်တရာမှ ချောမော လှပတာပါတဲ့။

ဒါကြောင့်လည်း ဘုရင်က သူမကို အနားမရှိ၊ တံခါးမရှိ၊ ဓားမထိတဲ့ ဆုတံဆိပ် ချီးမြှင့်ထားပါတယ်။ (တရုတ်ကားထဲက ပေါင်ချိန်ကို ဘုရင်က ရတနာကျောက်စီဓား ဆုပေးထားသလိုမျိုးပေါ့) နန်းတွင်းထဲကို ၀င်ချင်တိုင်းဝင် ၊ ထွက်ချင်တိုင်း ထွက်နိုင်တဲ့ မည်သူတစ်ဦး တစ်ယောက်မှ တားပိုင်ခွင့် မရှိတဲ့ ဆုပါ။ အပြစ်ရှိ ခဲ့ရင်တောင် ဘုရင့်လက်နက်နဲ့ မထိရ မသေရတဲ့ ဆုဖြစ်ပါတယ်။

တစ်နေ့တော့ဘုရင်က သရက်တော ဥယျာဉ်က သူကိုးကွယ်တဲ့ အရိယာ ရဟန္တာ တစ်ဦးဖြစ်တဲ့ အရှင်ကောဏ္ဍည ဆိုတဲ့ ရဟန်းတော်ကို နန်းတွင်းထဲခေါ်ပြီး တရားနာပါတယ်။ တရားနာ တဲ့အခါ သမာဓိ ပျက်မှာစိုးလို့ နန်းတွင်းဆောင်ထဲ မည်သူမှ မ၀င်စေရလို့ မှာထားပါတယ်။ ဒီအချိန်မှာ အလှပဂေး ဆန္ဒရလင်္ကာလေး ရောက်လာပါတယ်။ နန်းဆောင်ထဲ ၀င်မယ်လုပ်တော့ တံခါးစောင့် ဗိုလ်မှုးလေးက တားမြစ်ပါတယ်။ ဒါကို ဆန္ဒရလင်္ကာလေးက သူ့ကိုတားရ ကောင်းလားဆိုပြီး အမျက်တော်ရှကာ ဘုရင်ပေးထားတဲ့ တခါးမရှိ ဓားမထိတဲ့ ဆုကို ထုတ်ပြကာ သူ့ကို ဘယ်သူမှ တားခွင့်မရှိကြောင်း ရန်တွေ့တာပေါ့။ ဒါကိုဘုရင်က ကြားတော့ သူမကို ၀င်လာဖို့ ခေါင်းညိတ် ပြလိုက်တယ် ဆိုရင်ပဲ ဆန္ဒရလင်္ကာ လေးက၀င်လာပြီး ဘုရင့်အနားမှာ ၀င်ထိုင်ပါတယ်။ ၀တ်ကောင်းစား လှတွေနဲ့ တောက်ပြောင်နေတော့ သူမ၀င်လာတာကို အရှင်ကောဏ္ဍည ကလည်းမြင်ပါတယ်။ အဲဒီမှာ ဆန္ဒရလင်္ကာလေး ကတော့ ရဟန္တာ ကိုမြင်ပြီး အင်မတန် အေးချမ်းတဲ့ ရဟန်းရှင်ရဲ့ မျက်နှာတော်နဲ့ တည်ငြိမ်တဲ့ မျက်ဝန်းတော်ကို တွေ့လိုက်ရတော့ အဲဒီရဟန်းကို ချစ်စိတ်တွေ ဖြစ်ပေါ်ပြီး၊ စွဲလမ်းစိတ်နဲ့ ပိုင်ဆိုင်ချင် စိတ်တွေ ဖြစ်ပေါ်လာပါတယ်။ တဏှာကုန်ပြီး ပပဉ္စ တရားသုံးပါး (ဒိဋ္ဌိ၊ တဏှာ၊ မာန) တွေမရှိတဲ့ ရဟန္တာအရှင်မြတ် ကတော့ အေးဆေး တည်ငြိမ်စွာနဲ့ပဲ တရားဆက်လက် ဟောပါတယ်။

ဒီလိုနဲ့ နောက်တစ်နေ့မှာ ဆန္ဒလင်္ကာလေးက ရဟန္တာ သီတင်းသုံးရာ သရက်တော ဥယျာဉ်တော်ကို ရောက်ရှိ လာပါတယ်။ ပြီးတော့ မထေရ်ရဲ့ ခြေတော်အစုံကို သူမဆံပင်နဲ့ ပတ်ကာ ၀ပ်ဆင်းပြီး အရှင်ဘုရား တပည့်တော်မကို အရှင့်ရဲ့ အပါးမှာ တဖ၀ါးမကွာ ပါရမီဖြည့်ခွင့် ပေးပါဘုရားတဲ့...ဒီတော့ အရှင်ကောဏ္ဍညက အကျွန်ုပ်မှာ ပြုစုလုပ် ကျွေးရန် ကပ္ပိယ ရှိတယ် ဒကာမ ၊ ကျွန်ုပ်အတွက် ဘာမှမလိုပါ လို့ ပြောတာပေါ့။ ဒီတော့ ကချေသည်လေးဟာ သရက်တော ဥယျာဉ်ကျောင်းကို နေ့တိုင်းနေ့တိုင်း လာပါတယ်။ အဲဒီအခါမှာ ရဟန္တာ ကလည်း တံခါးကို ပိတ်ကာ အတွေ့မခံတော့ပါဘူး။ ဒါပေမယ့် ဆန္ဒရလင်္ကာက အနုပီယ သရက်တော ဥယျာဉ်ကို သွားမြဲသွားပြီး ရဟန္တာရဲ့ မျက်နှာလေးကို တွေ့ရနိုး တွေ့ရနိုးနဲ့ တံခါး အပြင်ကနေပဲ နေ့တိုင်း စောင့်နေ ပါတယ်တဲ့။

ကြိုက်မရှက်၊ ငိုက်မရှက်၊ ငတ်မရှက် ဆိုတဲ့အရှက်သုံးပါး ဖြစ်နေတော့ ကျန်းမာရေး တွေလည်းထိခိုက် လာပါတယ်။ ကကြိုးကကွက် တွေကလည်း မမှန်ဖြစ် နေတာပေါ့၊ ဒါကိုသိနေတဲ့ ဒုတိယ ကချေသည်မလေး ကုန္ဓရကေသာ ဆိုသူကလည်း ကုန်းချောဖို့ ချောင်းနေပါတယ်။ ပြီးတော့ ဘုရင်ဆီကို သွားလျှောက်တင်ပါတယ်။ သရက်ကိုင်းလေးကို ကိုင်ပြီး အရှင်မင်းကြီး ဒီသရက်ကိုင်းက ဆန္ဒရလင်္ကာရ လေးရဲ့ရထားလုံး ပေါ်ကရရှိတာပါ၊ ဆန္ဒရလင်္ကာလေးဟာ သရက်တောဥယျာဉ် ကျောင်းလေးကို နေ့တိုင်းသွားကြောင်း၊ အရှင်ကောဏ္ဍညနဲ့ ဆန္ဒရလင်္ကာလေးတို့ ဖောက်ပြားနေကြောင်း ကုန်းချောပါတယ်။ ဒါကိုဘုရင်က မှူးမတ်တွေကို သွားစုံစမ်း စေပါတယ်။ မှူးမတ်တွေကလည်း ဆန္ဒရလင်္ကာလေးက မထေရ်ကြီးကို သူနဲ့ပေါင်းဖော်စေ လိုကြောင်းနဲ့ နေ့တိုင်း သရက်တော ဥယျာဉ်ကျောင်းရဲ့ အပြင်မှာ ရဟန်းကို မြင်ရရုံနှင့် ကျေနပ်ကာ စောင့်နေကြောင်း စသည်ဖြင့် ပြောကြား လိုက်ပါတယ်။ အဲဒီမှာ ဘုရင်က စဉ်းစားပါတယ်။

ဘယ်လိုပဲဖြစ်ဖြစ် ရဟန္တာမထေရ်နဲ့ ကချေသည်တို့ ညားတယ်ဆိုတာ ပြောမကောင်း ဖြစ်မဲ့အစား၊ ငါကိုယ်တော်ပဲ အနစ်နာခံပြီး သာသနာကို အဖတ်ဆယ်ရမယ်၊အမျိုးမြင့်တဲ့ဘုရင်နဲ့ ဇာတ်နိမ်တဲ့ ကချေသည်တို့ ဖြစ်တာက ငါတို့ပုထုဇဉ် တွေအတွက် ကိစ္စမရှိ ဒါကြောင့် သာသနာမှာ အပြောမခံရအောင် ငါကိုယ်တော်မြတ် ဆန္ဒရလင်္ကာလေးကို မိဖုရားခေါင် မြှောက်မှ သင့်တော်ပေမယ်။ ဒါဆို ဒုတိယ ကချေသည်လေး ကုန္ဓရကေသာလည်း ပထမ ကချေသည်လေး နေရာရသွားမယ်။ ဆန္ဒရလင်္ကာလေးလည်း မိဖုရားခေါင် ဖြစ်သွားမယ်။ ကဲ....ရှင်ဘုရင်နဲ့ ကချေသည် အဆင့်က ကွာခြားနေတာနော်....ဒါကိုတောင် မထောက်ထားပဲ သာသနာကို ထိခိုက်လာမှာကို မလိုလားလို့ အနစ်နာခံတဲ့ စိတ်လေးက ဘယ်လောက် မြင့်မြတ်လည်းနော်။

ဒီလိုနဲ့ မှုးမတ်တွေ ခေါ်ပြီး ရှင်ဘုရင်ကြီးက ကချေသည် မလေးရဲ့ အဆောင်ကို ကြွပါတယ်။ အရှင်မင်းကြီး ကြွလာတယ်၊ မကြွစဖူး ကြွလာတာ ဘာကိစ္စ များလဲပေါ့ ဆန္ဒရလင်္ကာရက မေးပါတယ်။ ဘုရင်ကလည်း မသိချင် ဟန်ဆောင်ပြီး နှမတော် ကျန်းမာရဲ့လား၊ နှမတော်ကျန်းမာရေး ကောင်းအောင်နေပါ၊ ကျန်းမာရေးကောင်းရင် နှမတော်ကို မိဖုရား မြှောက်ချင်ကြောင်း ပြောပါတယ်။ သဘောတူရဲ့လား လို့မေးပါတယ်။ ဆန္ဒရလင်္ကာလေး ကလည်း သဘောတူကြောင်း ပြောပါတယ်။

အရှင်မင်းကြီး နှမတော် အရမ်းကြောက် နေပါတယ်။ ဘာကြောင့် ကြောက်ရတာလဲ၊ ငါကိုယ်တော် မြတ်လောက် သင်နှမမှာ ကြောက်ရမဲ့သူ ဘယ်သူရှိလို့လဲ မေးပါတယ်။ ဆန္ဒရလင်္ကာ လေးကလည်း ဘုရင်ချီးမြှောက်တဲ့ ဖိဖုရား ရာထူးကို ယူတဲ့နေ့မှာ အဲဒီလူရဲ့ ခေါင်းကိုဖြတ်ပေးပါလို့ ကတိတောင်းပါတယ်။ဘုရင်ကလည်း နှမတော်လက်ညိုးသာ ထိုးလိုက် နှမတော်အလိုကျ ဖြစ်စေရမယ်လို့ ကတိပေးပါတယ်။တကယ်တော့ ဆန္ဒရလင်္ကာလေးက ချစ်တာကို မိန်းမမာယာ ဖြင့်ကြောက်တယ်လို့ ဖြေလိုက်တာပါ၊ သူမရတော့မဲ့ အတူတူ ရဟန္တာရဲ့ ခေါင်းကိုဖြတ်ဖို့ ကြံစည်နေတာပါ။

ဒီလိုနဲ့ ဆန္ဒရလင်္ကာလေး နေကောင်းလာတော့ မိဖုရား မြှောက်တဲ့နေ့မှာ ဆန္ဒရလင်္ကာက အရှင်မင်းကြီး နှမတော်ကို ကတိပေးထားတာ နှမတော်ကြောက်တဲ့ နှမတော်၏ ရန်သူရဲ့ကို ခေါင်းဖြတ်ပေး ပါတော့လို့ ပြောပါတယ်။ ဘုရင်က မေးပါတယ်၊ နှမတော်ပြောပါ နှမတော်ရဲ့ ရန်သူက ဘယ်သူလဲပေါ့။ အဲဒီမှာ သူမရဲ့ ရန်သူဟာ ရှင်ကောဏ္ဍည ရဟန္တာ ဖြစ်တယ်လည်း ဆိုရော ဘုရင်က အံသြတာပေါ့။ အရှင်ကောဏ္ဍည ရဟန္တာရဲ့ ခေါင်းကိုမရရင် အရှင်ဟာ တိုင်းပြည်အုပ်ချူပ် မင်းလုပ်ပြီး ကတိကို မထိန်းသိမ်း သစ္စာတရား မရှိတဲ့ ဘုရင်ဖြစ်တယ် ဆိုပြီး အပြစ် တင်တာပေါ့။ ဒါနဲ့ ဘုရင်ကလည်း အကြိမ်ကြိမ် ချီတုံချတုံ ဖြစ်နေပါတယ်။မိန်းမလိုချင် လို့တော့ မဟုတ်ဘူးနော်။ ဘုရင်ရဲ့ ရာဇပဝေဏီ ထွက်ပြီးသား ကတိစကားကို ထိန်းနေတော့ ချီတုံချတုံ ဖြစ်နေတာပါ။

ဒီလိုနဲ့ နန်းတွင်းမှာ အခြေအတင် ပဋ္ဋိပက္ခ ဖြစ်နေတုန်း ဒါတွေကို ရဟန္တာမြတ်က ဥာဏ်နဲ့ဆင်ခြင် လိုက်တော့ အော်..ငါ့ရဲ့အာယုဒီဂ သက်တမ်းက သိပ်မကျန် တော့ဘူးဆိုတာ သိနေပါတယ်။ ဒါကြောင့် အဘိဥာန်နဲ့ နန်းတွင်းကို ကြွလာပါတယ်။ ဒကာရေမြေ့ရှင် ဆရာတော်ရဲ့ သက်တမ်းက မရှိတော့ပါဘူး၊ ငါကိုယ်တော်၏ ခေါင်းကိုဖြတ်ရင် အရှင်မင်းကြီးလည်း ကတိမပျက် တော့ဘူး၊ ဆန္ဒရလင်္ကလဲ သူရဲ့ရန်သူ မရှိရင် သူအေးအေး ချမ်းချမ်း နေလုိ့ရမယ်၊ ဒါကြောင့် ငါကိုယ်တော်မြတ်၏ ခေါင်းကိုဖြတ်ပါ၊ ငါလှူပါတယ် လို့ပြောပါတယ်။ ဘုရင်ရဲ့ စိတ်မှာလည်း တော်တော် တုန်လှုပ်သွားပါတယ်။ ဆန္ဒရလင်္ကာ လေးကလည်း အရှင်ဖြတ်ပါတော့ လို့ပြောပါတယ်၊ ဘုရင်ကလည်း ချီတုံချတုံဖြစ်ပြီး နှစ်ကြိမ်လုံးလုံး သန်လျက်ကို ထုတ်လိုက် သွင်းလိုက်နဲ့ ဖြစ်နေပါတယ်။ သုံးကြိမ်မြောက်လည်း ကျရော ဆန္ဒရလင်္ကာလေး အမြင်မှန်ရသွားပါတယ်။

အော်..တကယ်တော့ လူတိုင်းလူတိုင်း ငါက ငါလိုချင်စိတ် တစ်ခုထဲနဲ့ ဒီရဟန်းကို ငါမှမရရင် တခြားလူလည်း မရစေရဘူး၊ ငါမှ မချစ်ရရင် တခြားမိန်းမလည်း မချစ်ရဘူး ဆိုတဲ့စိတ်နဲ့ သတ်မှတ်လိုက်တယ်။ တကယ်တော့ ရဟန်းက တခြားမိန်းမကို ချစ်ဖို့ပေါင်းဖို့မှ မဟုတ်ပဲ၊ ငါနဲ့ ဘုရင့်အတွက် အဆင်ပြေစေအောင် လာပြီး အသက်စွန့်တယ်၊ လူတွေဟာ ငါဆိုတဲ့ အတ္တ တစ်ခုတွက် အလုပ်လုပ်တယ်၊ အရှင်ကောဏ္ဍည ကတော့ အတ္တကိုစွန့်၍ ငါတို့အတွက် လာပေးဆပ်တယ်၊ ဘာကြောင့်မို့ သူဒီလို လုပ်နိုင်တာလဲ၊ ပါရမီရင့် နေတာပါနော်၊ တကယ်တော့ ငါတို့နှစ်ယောက်လုံးကို ချစ်တာပါလား၊ ယောင်္ကျားကောင်း တို့ရဲ့ချစ်တဲ့ အချစ်က ဒါကိုခေါ်တာလား မသိပါဘူးဆိုပြီး စဉ်းစားတာပေါ့၊ လင်ချစ်မယားချစ် စိတ်ကနေ လောကကြီးကို စွန့်လွတ်တတ်တဲ့ အချစ်ကို သူဘယ်လို ကျင့်ခဲ့လည်း မသိဘူး အဲဒီလို အချစ်မျိုးကို ဘယ်လိုပိုင်နိုင် အောင်ခဲ့လည်း စဉ်းစားပါတယ်။ ငါသိချင် လိုက်တာလို့ တွေးလိုက်ပါတယ်။

ဒီအခါမှာ ဘုရင်ကလည်း သုံးကြိမ်မြောက် သန်လျက်နဲ့ အရှင်ကောဏ္ဍည ရဟန္တာရဲ့ ဦးခေါင်းကို ရွယ်လိုက်တဲ့ အခါမှာ ဆန္ဒရလင်္ကာလေးက အရှင်မင်းကြီး တော်ပြီ အရှင်ကောဏ္ဍည မထေရ်ရဲ့ခေါင်းကို မဖြတ်ပါနဲ့တော့။ အရှင်ကောဏ္ဍည ကလည်း နှမတော်ရဲ့ ရန်သူမဟုတ် တော့ပါဘူးဆိုပြီး တားမြစ်လိုက်ပါတယ်။ အရှင်ကေဏ္ဍည ရဟန္တာက အခြားတစ်ယောက်ကို ချစ်ဖို့ပေါင်းဖို့ မဟုတ်ဘူးနော်၊ အရှင်ဘုရား တပည့်တော်မတို့ နှစ်ယောက်အတွက် ဦးခေါင်းကို စွန့်လွတ်ရဲတာက အရှင်ဘုရားရဲ့ စိတ်သန္တာန်မှာ ဘာတွေရှိပါသနည်း လို့မေးပါတယ်။ အရှင်ကောဏ္ဍညက နှမ ငါ၏စိတ် သန္တာန်မှာ ဓမ္မတွေ ရှိပါတယ်လို့ ပြန်ဖြေပါတယ်။ နှမ ဆန္ဒရလင်္ကာ အရိယာတွေသည် ဥာဏ်မှာ စံကြပါတယ်၊ ပုတုဇဉ်တွေသည် ကံမှာ စံကြပါတယ်။

ပုတုဇဉ်တွေက ကံတိုးအောင်နေသည်၊ အရိယာတွေက ဥာဏ်တိုးအောင်နေသည်၊ ကံတိုးရင် ခန္ဓာတိုးတယ်၊ (ကံတိုးတယ်ဆိုတာ သံသရာချဲ့တဲ့ သဘောပါ။) အရိယာတို့သည် ကံတွေကုန်သွားတာ ဖြစ်သည့်အတွက်ကြောင့် ငါ့မှာ အကုသိုလ်ရော ကုသိုလ်ရော ကုန်သွားပါပြီ၊ မရှိတော့ပါ၊ နှမရဲ့ စိတ်သန္တာန်မှာတော့ အရိယာဓမ္မ မဟုတ်တဲ့ အဓမ္မ တွေရှိတယ်၊ အဲဒီတရားတွေက နှမရဲ့ စိတ်သန္တာန်ကို ပူလောင်အောင် ဆင်းရဲအောင် လုပ်နေတာပါ၊ ဒါကြောင့် ရဟန်းကို ရဟန်းမှန်း မသိဘဲ ဖြစ်နေတာပါ။ တကယ်တော့ ဖြတ်ရမဲ့ ဦးခေါင်းက အပြင်မှာ မရှိပါဘူး၊ နှမရဲ့ စိတ်သန္တာန်မှာ ရှိတဲ့ အ၀ိဇ္ဇာနဲ့ တဏှာ ကိုသာပြတ်အောင် ဖြတ်ရမှာပါ။ အဲဒီတရား တွေဖြစ်တဲ့ အ၀ိဇ္ဇာတွေသည် နှမရဲ့ ရင်ထဲ၌သာ ရှိပါတယ်၊ ငါ့ရဲ့ ဦးခေါင်း မဟုတ်ပါဘူး၊ အဲဒီ နှမရင်ထဲ မှာရှိတဲ့ အ၀ိဇ္ဇာ တဏှာဆိုတဲ့ ဦးခေါင်းကို ဖြတ်နိုင်ရင် အလိုလိုပြတ်ပြီး သွားမှာပါ နှမရယ်လို့ ပြောလိုက်တဲ့အခါ အရှင်ကောဏ္ဍည ရဲ့သာယာ တည်ငြိမ်စွာ နှမလို့ခေါ်ဆိုမှုနဲ့ တရားသံတွေကြောင့် ဆန္ဒရလင်္ကာလေးမှာ ရှိနေတဲ့ ဒေါသဟာ အလိုလို ပြာကျသွားပါတယ်။

ပြီးတော့ မထေရ်ရဲ့ ခြေတော်အစုံကို သူမဦးခေါင်းနဲ့ ဆံပင်နဲ့ပတ်ပြီး ရှိသမျှ အပြစ်တွေကို ၀န်ချ တောင်းပန်ပါတယ်၊ ပထမတစ်ခါ အရှင်ကောဏ္ဍညရဲ့ ခြေတော်ကို ၀ပ်ဆင်းတဲ့ အကြိမ်နဲ့ မတူတော့ပါဘူး အခုတော့ အမြင်မှန် ရခဲ့ပြီး အသိတရား ရသွားတဲ့အတွက် အရှင်ဘုရား စံမြန်းတဲ့ အရိယာ စံအိမ်မှာ တပည့်တော်မ နေချင်ပါသည်၊ အရှင်ဘုရားတို့ ကျင့်သုံးတဲ့ အရိယာတွေရဲ့ ဓမ္မတွေကို ကျင့်သုံး ချင်ပါသည်၊ အရှင်ဘုရားတို့ ဖြတ်တောက်ခဲ့တဲ့ အ၀ိဇ္ဇာ တဏှာတို့ကို တပည့်တော်မ ဖြတ်တောက် ချင်ပါသည်လို့ အရှင်ကောဏ္ဍည မထေရ်ကြီးကို လျှောက်ထားပါတယ်။ ဒီလိုနဲ့ ရှင်ကောဏ္ဍည မထေရ်ရဲ့ ခွင့်ပြုချက်ကြောင့် အရှင်ကောဏ္ဍည မထေရ်ရဲ့ နောက်ကို လိုက်ပြီး တရားကျင့်ကြံ တဲ့အတွက် နောက်ဆုံး ရဟန္တာ ထေရ်ရီမ ကြီးဖြစ်သွား ပါတယ်နော်။

အခြေခံကတော့ တဏှာကြောင့် ဖြစ်လာတဲ့ အကြောင်းကို အရင်းခံထား တာပါ။အချစ်ကြီးတော့ အမျက်ကြီးသွားတဲ့ ဆန္ဒရလင်္ကာလေးကို ရေးလိုက်ရတာက အချစ်ဆိုသည်မှာ ပိုစ့်လေးကို ရေးဖို့စဉ်းစား နေစဉ်မှာ ကျေးဇူးတော်ရှင် ဓမ္မစေတီဆရာတော် ဘဒ္ဒန္တကောသလ္လ (ဦးကော) ရဲ့တရားတော်ကို နာကြားမိတာနဲ့ စိတ်ကူးလေးရလို့ ဘုန်းဘုန်း ဦးကောရဲ့ တရားတွေကို ပြန်လည် ရေးသား ပေးလိုက်တာပါ၊
ဒါကြောင့် ကိလေသာ အကုသိုလ်တရား နဲ့ တဏှာဖက် မနွယ်တဲ့ အချစ်နဲ့ ချစ်တတ်နိုင်ကြ စေရန်ဆန္ဒ ပြုလိုက်ပါတယ်။

အစအဆုံး ဖတ်ပေးတဲ့အတွက် ကျေးဇူးတင်ပါတယ်။ ကိုရဲရင့်နီလည်း ကျေနပ်နိုင် လိမ့်မယ်ထင်ပါတယ်။ တက်ဂ်တဲ့ အတွက်လည်း ကျေးဇူးပါ။