တကယ်လို့ ...ကမ္ဘာပျက်မယ် ဆိုရင်ပေါ့..ခိုင်းသူက လည်း ခိုင်းတတ်မှတော့ ရေးရတော့တာပေါ့ရှင်။ အင်းတွေးစရာတွေက တစ်ပုံကြီးပါပဲ. အတွေးတွေကို ထက်ခြမ်းခြမ်းရတော့ မယ်ထင်တယ် ။ ကျမက စိတ်ကူးယဉ်တဲ့အပိုင်းကိုပဲ ဦးတည်ခရီးဆက်သွားမယ်။
ကမ္ဘာပျက်တော့မယ်ဆိုရင် ကျမတို့ ကမ္ဘာသစ်ကို ကြိုဆိုရုံပေါ့ရှင်... ဟောင်းနွမ်းစုတ်ပြတ်သတ်နေတဲ့ ဟော့ဒီကမ္ဘာကြီးကို စွန်ခဲ့ကြတာပေါ့... ကမ္ဘာဟောင်းမှာ အကျင့်ဟောင်းတွေ အယူဆဟောင်းတွေ နှင့်အတူ မကောင်းတာဟူသမျှ ကျမတို့ အကုန်လုံးစွန့်ခဲ့ကြတာပေါ့...
၁။ ဘယ်သူတွေနဲ့ရှိနေချင်လဲ..
ဘယ်သူတွေနဲ့ ရှိနေသလည်းဆိုတဲ့ မေးခွန်းကို မဖြေချင်ပါဘူး ။ ကိုယ်ချစ်သူကို ဘေးနားမှာ အဆင့်သင့် ရှိနေခိုင်းမယ်။ ကျမတို ကမ္ဘာသစ်ထဲက ဧဒင်ဥယာဉ်ထဲကို သွားမယ်လေ.. အသစ်စစလူသားတစ်ယောက်အဖြစ် စတင်တဲ့အချိန်မှာ အသစ်စစ အချစ်တစ်ခုကို ဖြူဖြူစင်စင် စတင်ချင်ပါတယ်။ ချစ်သူနှစ်ယောက်ကြား ခွဲခြားဆက်ဆံနိုင်စေတဲ့ အရောင်တွေကို ကျမစွန့်ခဲ့မယ်။ အလွှာ၊ ဂုဏ်ဓန စသည့်ဖြင့်ပေါ့လေ အားလုံးကို စွန်လိုက်မယ်။ ချစ်တတ်တဲ့ ရင်ဘတ်တစ်ခုကိုဘဲ ဧဒင်ထဲကို သယ်လာခဲ့မယ်။
၂။ဘာတွေခံစားနေရမလဲ..
ရင်ခုန်နေမှာပေါ့ရှင်… သိပ်ကိုသေချာတယ်။ ဧဒင်ထဲကို ၀င်မယ့် အသစ်စစ လူသားတစ်ယောက် ဖြစ်ခွင့်ရဖို့ ရင်တွေသိပ်ကိုခုန်နေမှာပေါ့… ကမ္ဘာဦးမှာ လူတွေမဖန်တီးဘဲ တည်ရှိနေပါတယ်ဆိုတဲ့ ဧဒင်ဥယာဉ်ဆိုတာ ဘယ်လို မျိုးလည်းဆိုပြီး လျှောက်ပတ်ကြည့်ချင်လို့ စိတ်တွေ လောနေတယ်။ လူတွေမဖန်တီးဘဲ သဘာဝအတိုင်းတည်ရှိနေတဲ့အရာတွေကို ဦးစွာပထမ ကြည့်ခွင့်ရမယ့် အခွင့်ရေးဆိုတာ နည်းတဲ့အခွင့်ရေးမှ မဟုတ်တာရှင်။
၃။ ဘာတွေပြင်ဆင်ထား
ပိုင်ဆိုင်တာအားလုံးကို စွန့်လွတ်ဖို့ အဆင်သင့် ပြင်ဆင်နေမယ်။ လိုချင်တက်မက်မှု ၊ မနာလို ဖြစ်မှု ၊ မာနတရား၊ စွဲလန်းမှု၊ ပူပင်သောက တွေအပြင် လူသားပီသနေစေတဲ့ တဏာမီးတွေအားလုံးကို စွန့်နိုင်စေဖို့ ကျမ လေ့ကျင့်နေမယ်။ ကမ္ဘာဟောင်းက အကျင့်တွေ မပျောက်ပျက်ဘဲ ကျန်နေမှာစိုးလို့။ ကျမအတွက်လည်း ကမ္ဘာဦးသမီးပျို ၀တ်စုံတစ်စုံလောက် ရှာဝယ်ရအုံးမယ်.. ၀တ်လှစ်စလှစ် ပိတ်စပါးပါးလေး ကို ပတ် ပန်းလေးတစ်ပွင့် ပန်ထားတာမျိုးတော့ ကျမ ပုံတွေ မြင်ဖူးတယ် ။ ကျမက ပန်းလည်းမပန်တတ်ဘူး ။ ကမ္ဘာပျက်တဲ့အချိန်မှာ ကျမက အဆင်သင့် အဲဒီဝတ်စုံကို ၀တ်ပြီးသား ဖြစ်နေစေရမယ်။
၎။ ၀မ်းနည်းမိမှာက
ဒီကမ္ဘာပျက်စီးသွားရင် ပျက်စီးခြင်းထဲကို ပါဝင်သွားမယ့် ဘုရား၏ တရားတော်၊ ခေတ်အဆက်ဆက်က လူအသက် ပေါင်းမြောက်မြားစွာကို စတည်းပြီး တည်ထောင်ခဲ့ကြတဲ့ မြို့ပြတွေ၊ လူတို့၏ ပူဇော်ပသခံ အနှပညာလက်ရက်တွေ ၊ လူသမိုင်းကြောင်းကို ဖော်ညွန်းထားတဲ့ ပြတိုက်တွေအတွက် နှမြောမိတာအမှန်ဘဲ ။ ကျမက ဒီကမ္ဘာက မခွာရသေးတော့လည်း ကမ္ဘာသူလေး ပီသစွာ နှမြောတွန့်တိုတဲ့အကျင့် ခုတိတော့ ရှိနေသေးတာအမှန်ဘဲ။
၅။ကြောက်လန့်မိတာက..
ဒီ ကမ္ဘာကို ခေတ်အဆက်ဆက်က ပျက်စီအောင်လုပ်ခဲ့ကြတဲ့ လူဆိုးသူခိုးတွေ ကမ္ဘာသစ်ထဲ့ ပြောင်းရွှေ့လာမှာကို အကြောက်ဆုံးပဲ ။ သူတို့ကို ကျမက အလိုမရှိဘူး ။ စစ် နှင့် ဘာသာတရားက လူတွေကို ဖျက်စီးနေတယ်လို့ ကျမက မြင်တယ်။ လူလောဘ က တဆင့်ပွားလာတဲ့ အာဏာပါဝါတွေကြောင့် လက်ရှိကမ္ဘာစုတ်မှာ စစ် တွေ ဖြစ်ကြတယ်။ ဘာသာတရားတို့၏ အယူကြီးမှုကြောင့် အတ္တလွန်ကဲ့တဲ့ ဘာသာရေးစစ်တွေကို ကျမ ကမ္ဘာသစ်ထဲ ထပ်ဖြစ်လာမှာကို စိုးတယ်။ လူတစ်ယောက်၏ အသက်ကို တန်ဖိုးထားတဲ့ ကမ္ဘာသစ်လေး ဖြစ်ချင်တယ်။ မိန်းမတစ်ယောက်ရဲ့  တန်ဖိုးကို လူသားတစ်ယောက်၏ တန်ဖိုးဖြင့် တိုင်းတာတဲ့ ကမ္ဘာသစ်လေး
ဖြစ်ချင်တယ်။ လူအဆင့်တန်းခွဲခြားမှုတွေ မရှိချင်ဘူး။
၆။ဆောင်ထားချင်တာ..
ဆောင်ထားချင်တာက ဓါတ်လုံးတစ်လုံး ဒါမှမဟုတ် မှော်အတတ်တစ်လက်ကို ဆောင်ထားချင်တယ်။ ပြီးတော့ ဧဒင် အ၀င်ဝမှာ အခမဲ့ တာဝန်ထမ်းမယ်။ ၀င်လာသမျှ လူတွေကို စစ်ဆေးမယ့် ကြီးကျပ်ရေးမှူး တာဝန်ကို နေ့မအား ညမအား ထမ်းဆောင်မယ်။ ကျမက ဖန်ဆင်းခြင်းဆိုတာကို လက်မခံတော့လည်း ပင်ပန်းခံရတော့မပေါ့ရှင်။ အသားအရောင်မတူတဲ့ ဖန်ဆင်းခံရမှု၊ ဆင်းရဲခြင်း ချမ်းသားခြင်းတွေ တန်းမတူညီမျှမှု၊ အသိညဏ်မတူညီတဲ့ ဦးနှောက်များပိုင်ဆိုင်မှု၊ အတွေးခေါ်များလွန်ကဲ့ နက်နဲ့စွာ
တွေးခေါ်တတ်သူများ အား ကျမက ဓါတ်လုံးတစ်လုံးဖြင့် အားလုံးကို တန်းတူညီမျှ ဖြစ်စေမယ်။
၇။ဘာတွေရေးမိမလဲ..
စာတွေရေးမှာပေါ့ရှင် ။ ကဗျာတွေရေးမယ်။ သီးချင်းတွေ ရေးမယ် ။ တဂိုး ၀ိညဉ်လေးများ ငှားလို့ ရမယ်ဆိုရင် အချစ်ကဗျာလှလှလေးတွေ ပင်လယ်ကမ်းဘေးမှာ ထိုင်ရေးချင်ပါတယ်။ တဂိုးလိုမျိုး အသိညဏ်တွေ ကြွယ်ဝနေရင်တော့ ကျမ်းတစ်အုပ်လောက်ရေးချင်တယ်…
ဂ။တွေးမိတွေးရာ အတွေး
ဗယ်ဆင့်ဘင်ဂိုလိုမျိုး စတေးခံလူသားတွေအတွက် ကျမက ညစာလေး ပြင်ဆင်ချက်ပြုတ်ပေးချင်တယ်။ ငတ်ပြတ်ဆင်းရဲတွင်းထဲ သေဆုံးသွားတဲ့ လူတွေကို ညစာပါတီလေး ကိုယ်တိုင်ကိုယ်ကျ ပြင်ဆင်ပေးချင်တယ်။ ၀ိညဉ်များနှင့် ကခုန်ခြင်းတော့ မဟုတ်ဘူး ၀ိညဉ်များနှင့် ပျော်ရွင်ရယ်မောခြင်းပေါ့ လေ။ အားလူး မီးဖုတ်တော့ လုပ်ဖြစ်အောင်လုပ်မယ် ကြယ်တွေငိုတဲ့ လူတစ်ယောက်ကို စာအုပ်ဖတ်ရင်း သနားခဲ့မိလို့။
၉။ဂုဏ်ယူချင်တာက
အင်း ဂုဏ်ယူချင်တာက ဆိုတဲ့ စာလုံးတွေက လှောင်ပြောင်နေသလိုဘဲ ။ ကျမဘာမှာ ဂုဏ်ယူစရာကောင်းတဲ့ အလုပ်တစ်ခုမှ လူတွေအတွက် မလုပ်ပေးခဲ့ပါဘူး ။ ဒါက ရိုးသားစွာ ၀န်ခံတာလေ။ ဒါပေမယ့် ကျမ ဒီကမ္ဘာမြေပေါ်မှာ အသက်ရှင်လာရတဲ့ ကျေးဇူး ၊ လူဖြစ်လာရတဲ့ ကျေးဇူး၊ ကျမအမေ ဆက်ပေးခဲ့တဲ့ အသက်တစ်ချောင်းအတွက် ကျမက မမေ့တတ်တာလေးဘဲ ကျမ ဂုတ်ယူရ တော့မှာပေါ့ရှင်… တစ်ခုတော့ရှိတယ် မယ်မဒီကို ပစ်ချပေးလိုက်တဲ့ လောကဘုံလေးက သိပ်ကောင်းတဲ့နေရာလေး မဟုတ်ခဲ့ပေမယ့် မယ်မဒီက ကျလာတဲ့နေရာမှာ ခေါင်းငုံမခံဘဲ အာခံခဲ့တာကို ဂုဏ်ယူချင်ပါတယ်။ ကမ္ဘာ နှင့် ငါ ဘယ်သူပိုစောင်း မလည်းဆိုတဲ့ လူစားမျိုး ဖြစ်ရတာ ဂုဏ်ယူတယ်ရှင့် ….
၁၀။ရှာကြံဖြေသိမ့်မိတာက
ဆင်းရဲတွင်းထဲ တွင်းဆုံးကျနေသေးတဲ့ တိုင်းပြည်တွေအတွက်တော့ လွတ်မြောက်ခြင်းပေါ့ရှင်။
လူသားတိုင်း ခံစားခွင့်ရှိတဲ့ ရပိုင်ခွင့်တွေ မရတဲ့လူတွေအတွက်တော့ ကောင်းတာပေါ့ရှင်… ကမ္ဘာကန်ထဲကို လူတစ်စုဘဲ ခပ်ပြီးသောက်နေကြတာကို ။
၁၁။ကျူးရင့်ချင်တဲ့ ဥဒါန်း
ငါသည် ဤဘ၀မှ ကျွတ်လွတ်နိုင်မည်ဆိုပါက တစ်စုံတစ်ယောက်က ဖန်ဆင်းပေးနိုင်မည်ဆိုပါက ၊ ငါသည် မည်သည့်အလုပ်ကိုမှ အသက် ဆက်ရန်အတွက် မလုပ်ချင်သူ ဖြစ်ပါသည်။ ငါသည် မည်သူနှင့်မှလည်း ၀တ်ကျေတန်းကျေး စကားမျိုး ပြောခြင်း ဆက်ဆံခြင်းတွေ မလုပ်ချင် သူဖြစ်ပါသည်။ ငါသည် အလေ့အကျင့် ဖြင့် ပြုံးပြ နှုတ်ဆက်နေရသော ဘ၀ကိုလည်း မုန်းတီးနေသူ ဖြစ်ပါသည်။ ငါသည် လူမဖြစ်ချင်တော့ သူ တစ်ယောက် သာ ဖြစ်ပါသည်။ ဤသို့ ကျူးရင့်ခွင့်ရှိသည်ကိုပင် ဤပိုစ်လေး တက်လာတဲ့ နှင်းနဲ့မာယာ ကို ကျေးဇူးတင်ပါတယ်ရှင် ။ စိတ်ထဲရှိတာ အားလုံးရေးချလိုက်တော့လည်း ကျမရင်ဘတ်တွေ ပေါ့ပါးသွားပါတယ်။
ဒီဆိုက်လေးမှာတော့အမှတ်တရ လာတင်ပေးတာပါ ရှင် ။
မယ်မဒီ
ဓါတ်ပုံလေးကိုတော့ ဒီဆိုဒ်လေးက နေ ကူးယူထားပါတယ်ရှင် http://www.wga.hu/art/d/durer/2/13/2/042.jpg
| [+/-] |
ကမ္ဘာပျက်မယ် ဆိုရင်ပေါ့ |
| [+/-] |
ကျွန်မအနေချင်ဆုံးမြို့ကလေး |
မင်္ဂလာအပေါင်းနဲ့ပြည့်စုံနိုင်ကြပါစေရှင်.
ဒီနေ့တော့ မောင်လေးReenoemann Tagထားတဲ့ ကျွန်မအနေချင်ဆုံးမြို့လေးတစ်မြို့ဆိုတဲ့ Tag post လေးကို အကြွေးဆပ်ဖို့ အလှည့်ရောက်ရှိလာပါတယ်ရှင်... ကျွန်မအလည်သွားရောက်ဖူးခဲ့တဲ့ မြို့လေးတွေဖြစ်တဲ့ ပုဂံ ၊ညောင်ဦး၊ မုံရွာ ၊ မန္တလေး၊မေမြို့၊ချောင်းသာ၊တောင်ကြီး ၊ပင်းတယ ...စတဲ့..စတဲ့..မြို့လေးတွေထဲမှာ ကျွန်မအနေချင်ဆုံးမြို့လေးတစ်မြို့ကတော့ တောင်ကြီးမြို့လေးပဲဖြစ်ပါတယ်...တောင်ကြီးမြို့လေးဟာအေးချမ်းပြီး ၊ ရာသီဥတုအနေနဲ့လည်း သိတ်မပူပြင်းတဲ့အပြင် ကျွန်မကြိုက်နှစ်သက်တဲ့ အစားအစာတွေရှိပြီးတော့ တောင်ကြီးမြို့က တိုက်အဆောက်အဦးပုံလေးတွေကို ကျွန်မသဘောကျမိလို့လည်းဖြစ်ပါတယ်...
ဒီဂျပန်မှာခရီးသွားရင် တချို့နေရာလေးတွေတော်တော်များများမှာ တောင်ပတ်လမ်းလေးတွေသွားရရင်ဖြင့် တောင်ကြီးမြို့လေးနဲ့ တော်တော်လေးဆင်တူလွန်းတာမို့ တောင်ကြီးမြို့လေးနဲ့တူလိုက်တာရယ်လို့ မကြာခဏသတိရမိတတ်ပါတယ်.... ဂျပန်က တချို့တိုက်ပုံစံလေးတွေဟာ တောင်ကြီးကတိုက်ပုံစံလေးတွေနဲ့တူပြီး ဂျပန်နိုင်ငံရဲ့နယ်ဘက်ကလေးတွေကို ခရီးထွက်ဖြစ်ရင်ဖြင့် တကယ့်တောင်ကြီးမြို့ကလေးကိုရောက်သွားသလိုပဲ ခံစားရတတ်ပါတယ်...
လွန်ခဲ့တဲ့ ၂နှစ်လောက်က Gifu ဆိုတဲ့မြို့ကလေးကို ကျွန်မတို့မိသားစုနဲ့အတူ သူငယ်ချင်းမိတ်ဆွေမိသားစု အလည်သွားခဲ့ကြစဉ်က ဂျပန်မိတ်ဆွေဦးလေးကြီးက Gifuတောင်ပေါ်ကို ကားနဲ့ပတ်တက်ပြီးလိုက်ပို့ခဲ့ပြီးတော့ တောင်ပေါ်မှာ အဲဒီဒေသရဲ့နာမည်ကြီးအစားအစာဖြစ်တဲ့ ငါးကင်တွေကို ၀ယ်ကျွေးခဲ့တာမို့ တကယ်ပဲ တောင်ကြီိးမြို့လေးနဲ့တူလိုက်တာရယ်လို့ မှတ်ချက်ချမိပြီး တောင်ကြီးမြို့လေးကို လွမ်းမိတာ အခါခါပါပဲ... တကယ်တော့ တောင်ကြီးမြို့လေးကို ကျွန်မနှစ်သက်မိခဲ့တာက တောင်ကြီးမြို့လေးဟာ ကျွန်မမွေးဖွာရာဇာတိမြေ ကချင်ပြည်နယ်လိုပဲ ရာသီဥတုကအေးချမ်းပြီး ၊ ကျွန်မအလွန်ကြိုက်နှစ်သက်တဲ့ ကချင်ပြည်နယ်ကအစားအသောက်တွေ အကုန်နီးပါး တောင်ကြီးမြို့လေးမှာ စားသောက်နိုင်သလို ကျွန်မသွားဘူးတဲ့မြို့လေးတွေထဲမှာ အလှပဆုံးမြို့လေးတစ်မြို့ဖြစ်လို့ပါပဲ။
မောင်နဲ့ စေ့စပ်ပြီးတော့ လေယာဉ်ပျံကြီးစီးပြီးတောင်ကြီးမြို့လေးကို မောင်နဲ့အတူ အလည်သွားဖြစ်ခဲ့ကြပါတယ်... ရန်ကုန်ကနေ လေယာဉ်စီးရင် ၁နာရီကျော်ကျော်ပဲကြာတာမို့ (ဟုတ်လာမသိဘူး..မေ့ပြီ.၁ နာရီဝန်းကျင်ပဲ)း)သွားရလာရတာ အဆင်ပြေသားပဲလို့ ကောက်ချက်ချမိလိုက်သလို ဟဲဟိုးလေဆိပ်ရောက်တော့ ကျွန်မရဲ့မတော်ရသေးတဲ့ယောက္ခမဖေဖေ ၊မေမေ နဲ့ ယောင်းမတွေကလာကြိုခဲ့ကြတာမို့ ပျော်ရွှင်ခဲ့ရသလို တောင်ပတ်လမ်းလေးတွေကိုကားနဲ့တက်ရတော့ စိတ်ကြည်နူးခဲ့ရပါတယ်...
မောင်ကတောင်ကြီးသားဆိုတော့ တောင်ကြီးရောက်တာနဲ့မောင်နဲ့အတူ ကားတစ်စင်းနဲ့ နေရာအစုံကိုလျှောက်လည်ဖြစ်ခဲ့ကြပါတယ်.. တချို့နေရာတွေကိုတော့ ယောက္ခမဖေဖေက ဒါရိုင်ဘာလုပ်ပြီးလိုက်ပို့ပေးခဲ့ရှာပါတယ်... ယောက္ခမ မတော်ရခင်ကတည်းက ယောက္ခမလောင်းတွေက ကျွန်မအပေါ်မိဘအရင်းတွေလိုပဲ သဘောကောင်းဖော်ရွေခဲ့ကြတာမို့ တောင်ကြီးမြို့လေးကို အလည်တစ်ခေါက်စရောက်ကတည်းကပဲ စိတ်ကျေနပ်ပျော်ရွှင်မှုတွေရရှိခဲ့တာပါ။ အင်းလေးဖောင်တော်ဦးဘုရားကို မောင်နဲ့ကျွန်မသွားတော့ ယောက္ခမဖေဖေက ကားနဲ့လိုက်ပို့ခဲ့ပြီး လှေစီးတော့လည်း လှေပေါ်မှာစုံတွဲပုံလေးတွေကို ဖေဖေက ဓါတ်ပုံရိုက်ပေးခဲ့တာလေးတွေ အခုအထိရှိနေပါသေးတယ်...း)
တောင်ကြီးကို အလည်ရောက်တော့ မှတ်မှတ်ရရ ကျွန်မဆိုးခဲ့တာလေးတွေကိုလည်း သတိရမိနေပါတယ်... မတော်ရသေးတဲ့ မောင့်ရဲ့အဘွားနဲ့ တွေ့တော့ ကျွန်မတက္ကသိုလ်တက်နေတဲ့ အချိန်က ၀ါသနာပါခဲ့တဲ့ ဖဲရိုက်ခြင်းကိုအတူကစားခဲ့ပြီး အဖွဲ့ကျခဲ့ပါသေးတယ်.. :Dနောက်ပြီး တောင်ကြီးရောက်တော့ ရွှေညောင်တပ်ထဲမှာတာဝန်ထမ်းဆောင်နေခဲ့တဲ့ ကျွန်မရဲ့အခင်ဆုံးငယ်သူငယ်ချင်းကို ဖိတ်ခေါ်ပြီး မောင်နဲ့မိတ်ဆက်ပေးခဲ့ပါသေးတယ်... အခင်ဆုံးသူငယ်ချင်းကလည်း အယောင်ယောင်အမှားမှားနဲ့ ထွဏ်းထွဏ်းရဲ့ “ လူကြမ်းကြီးအသဲကွဲတော့ယုံလား ” ဆိုပြီး သီချင်းတပိုင်းတစ်စ ထဆိုသွားတော့ မောင်က အခုအထိ အမှတ်တရနဲ့ စိတ်ဆိုးနေတတ်ခဲ့ပါတယ်...:P :P :D
ပြီးတော့ တောင်ကြီးမြို့လေးမှာ သင်္ကြန်တစ်နှစ်လည်လိုက်ဖူးတာ ပျော်စရာကောင်းခဲ့ပါတယ်ရှင်.. မိသားစုတွေစုပြီး ကားတစ်စင်းနဲ့ တောင်ပေါ်က ဘုန်းကြီးကျောင်းတွေကိုသွားပြီး ဥပုဒ်သီလယူကြတာတွေ ၊ သင်္ကြန်ချိန် အေးအေးချမ်းချမ်းကို မောင်နဲ့အတူဆိုင်ကယ်တစ်စင်းနဲ့ လျှောက်လည်ပြီးပျော်ခဲ့ကြတာလေးတွေကလည်း အမှတ်တရပျော်စရာကောင်းခဲ့ပါတယ်.. မြန်မာပြည်မှာနေစဉ်က တောင်ကြီးကို ခဏခဏရောက်ခဲ့တာမို့ တောင်ကြီးတန်ဆောင်တိုင်ဆိုရင် ချမ်းချမ်းအေးအေးနဲ့ မီးပုံးပျံလေးတွေသွားကြည့်ကြတာ ၊ ပြီးတော့ လေးကောင်ဂျင်တွေဝင်ကစားဖြစ်ခဲ့ကြတာ... တကယ်ပျော်စရာကောင်းခဲ့လို့ အမှတ်တရ မမေ့နိုင်စရာလေးတွေဖြစ်ခဲ့တာပါရှင်။ ကျွန်မကြိုက်တဲ့ ရှမ်းအစားအစာတွေဖြစ်တဲ့ တိုဖူးနွေး၊ ၀က်သားချဉ် ၊ဟင်းထုတ်၊ ငါးထမင်းနယ် ၊တိုဖူးကြော် ၊ ရှမ်ခေါက်ဆွဲ ၊ ခွက်လန်ဖုန်း ၊ စတဲ့ စတဲ့ စားစရာတွေ အကုန် ကျွန်မကကြိုက်လေတော့ တောင်ကြီးမြို့လေးဟာ ကျွန်မအသဲစွဲဖြစ်ခဲ့ရပါတယ်... ပင်းတယလှိုင်ဂူကြီးကိုလည်း မောင်နဲ့အတူလျှောက်လည်ဖြစ်ခဲ့ကြပါတယ်...
ကျွန်မအသက်ကြီးသွားခဲ့ရင်တောင်ကြီးမြို့လေးမှာသွားရောက်အခြေချနေထိုင်ချင်ပါတယ်ရှင်။တောင်ကြီးမြို့သစ်မှာ ကျွန်မယောက္ခမတွေပိုင်တဲ့ တစ်ထပ်တိုက်ပုလေးတစ်လုံးရှိပါတယ်... ယောက္ခမမေမေက သမီးတို့နေရင် အပိုင်ပေးမယ်လို့ပြောထားပါတယ်... မေမေ နဲ့ ဖေဖေ ကတော့ တောင်ကြီးတက္ကသိုလ်နားမှာ တစ်ယောက်ကို စီးပွားရေးတစ်ခုစီနဲ့ ၊ တစ်ယောက်အိမ်တစ်လုံးစီနေကြတဲ့ သိတ်ချစ်ကြတဲ့ အဘိုးကြီး ၊အဖွားကြီး နှစ်ယောက်ဖြစ်ပါတယ်ရှင်.. သားသမီးတွေအားလုံးက ရန်ကုန်မှာနေကြပြီး ဖေဖေ နဲ့မေမေကတော့ တောင်ကြီးကို သံယောဇဉ်ရှိကြလွန်းတော့ တောင်ကြီးမှာပဲ နေနေကြတာပါ။ ကျွန်မဟိုတခါရန်ကုန်ပြန်တော့ ဖေဖေ နဲ့မေမေကရန်ကုန်မှာလာပြီး ပြုစုစောင့်ရှောက်ပေးခဲ့ကြပါတယ်... ကျွန်မရဲ့ ဒုတိယဖေဖေ နဲ့ မေမေဆိုရင်လည်း မမှားပါဘူး။ အဲဒါကြောင့် တောင်ကြီးမြို့လေးကိုချစ်တဲ့ ကျွန်မလည်း အသက်ကြီးလာခဲ့ရင်ဖြင့် ဖေဖေ နဲ့မေမေက အမွေပေးမယ့် တောင်ကြီးမြို့သစ်ကခြံဝင်းလေးနဲ့ တစ်ထပ်တိုက်ပုလေးမှာ မိသားစု ၃ဦးပျော်ရွှင်စွာနေကြပြီး ၂ဖက်မိဘတွေ အသက်ရှင်ကြဦးမယ်ဆိုရင်ဖြင့် အဲဒီခြံဝင်းလေးထဲမှာပဲ နောက်ထပ် တိုက်အိမ်လေးတွေ တစ်ဖက်တစ်လုံးဆောက်ပေးပြီး အနီးကပ်ပြုစုစောင့်ရှောက်ခွင့်ရချင်ပါသေးတယ်....ဖြစ်နိုင်ရင်တော့ မိဘတွေနဲ့ တစ်အိမ်ထဲ အတူတူ မနေချင်ပါဘူး ၊ ဘာဖြစ်လို့လဲဆိုတော့ မောင်က ကျွန်မကိုအရမ်းချစ်တော့ အားနေရင် မိန်းမနားကပ်ချွဲနေတတ်တဲ့မောင် အနေကျုံ့မှာစိုးလို့ပါ။ ဟတ်ဟတ် ( ရှက်)း)))
အဲဒီတောင်ကြီးမြို့သစ်အိမ်လေးမှာ နှင်းဆီခြံလေးစိုက်မယ်... အပျင်းပြေ ကြက်တောင်ရိုက်ကစားကြဖို့ ကြက်တောင်ကစားကွင်းလေးတစ်ခုလုပ်မယ်..ပြီးတော့ ဘ၀ကို အေးအေးချမ်းချမ်းလေးနဲ့ နေထိုင်သွားပြီး မောင်နဲ့အတူ တရားစခန်းလေးတွေအတူတူဝင်ကြရင်းနဲ့ ငြိမ်းချမ်းတဲ့ ဘ၀လေးတွေကိုပိုင်ဆိုင်ချင်ပါတယ်...
ကျန်းမာပျော်ရွှင်ကြပါစေ.
အားလုံးကိုလေးစားခင်မင်လျှက်
WWKM
| [+/-] |
နောင်လာမယ့် အနှစ် ၂၀ (WWKM) |
*********
“ဟုတ်ကဲ့ပါရှင် .စေတနာအထွေထွေရောဂါကုဆေးရုံကြီးကပါ။”
“ဟုတ်ကဲ့ပါခင်ဗျာ.. ကျွန်တော် M.D ဒေါ်ဝါ၀ါခိုင်မင်း နဲ့စကားပြောချင်လို့ပါ။”
“ဟုတ်ကဲ့ ကျွန်မ ၀ါဝါခိုင်မင်း ဖြစ်ပါတယ်ရှင်...”
“ဟာ..မကြီးဝါလား ကျွန်တော် “ရွာသားလေးဓါတ်ပုံနဲ့ အနုပညာလုပ်ငန်းကုမ္ပဏီပိုင်ရှင်” ရွာသားလေးဝိုင်တီယူ ဖြစ်ပါတယ်ခင်ဗျာ...”
အယ်..ရွာသားလေးဆိုတော့ ဟိုးလွန်ခဲ့တဲ့ နှစ် ၂၀က အမယ်မင်းရယ်မှ ပြောရတော့မယ်ဆိုပြီးငြီးချင်းချတဲ့ မောင်ရွာသားလေးမဟုတ်လား...”
“ဟီးဟီးဟီး ..ဟုတ်တယ်လေ မကြီးဝါရဲ့...”
“အယ်..ပြန်ဆုံရတာဝမ်းသာလိုက်တာရွာသားလေးရေ ... တကယ်ပြောတာ... ဒါနဲ့ ..အခုဘယ်မှာနေလဲ...”
“ကျွန်တော်အခု ရွှေပုန်းညက်ရိပ်မွန်မှာ ကျွန်တော့မိသားစုနဲ့ အတူနေကြပါတယ် မကြီးဝါရေ...”
“အလဲ...ပျော်စရာကြီးပေါ့..ဘာလဲ..ဟို အသဲ၂ထပ်ဆွဲကြိုးလေးပေးလိုက်တဲ့ ညီမလေးနဲ့လား...”
“ဟဟားဟား....ဟုတ်ပါတယ် မကြီးဝါရေ..း))))) ”
“အင်း..ဟုတ်ပါပြီ.. အခုလိုသတင်းကြားရတာ အရမ်းဝမ်းသာပါတယ် ရွာသားလေးရေ...”
“ဟုတ်ကဲ့မကြီးဝါရေ... ကျွန်နော်လည်းသွားကိုက်နေတာလေ အဲဒါသွားပြချင်တာနဲ့ ဘယ်မှာပြရရင်ကောင်းမလဲလို့ စုံစမ်းနေတာ မထင်မှတ်ပါပဲ ဟိုတစ်နေ့က ဆာကူရာတာဝါမှာ “ရွှေပြည်သူခရီးသွားအေဂျင်စီ ”ထောင်ထားတဲ့ မရွှေပြည်သူလေး နဲ့ ဆုံကြရင်း မကြီး
ဝါက စေတနာအထွေထွေရောဂါအထူးကုဆေးခန်းကြီးဖွင့်ထားတယ်ကြားလို့ အခုစုံစမ်းလိုက်တာလေ... မကြီးဝါက သဘောကောင်းတော့ ကိုယ့်မောင်နှမတွေကို အလကားကုပေးမှာပေါ့နော့...း))”
“ဟတ်ဟတ်.. ( မကြီးဝါက သူ့ပို့စ်ရေးရင်ရယ်တဲ့ အတိုင်းရယ်လိုက်ပါတယ်. ပြီးတော့....)
ဒီမယ် မောင်ရွာသားရေ... မကြီးဝါရဲ့ဆေးရုံကြီးက ပိုက်ဆံမတတ်နိုင်တဲ့သူတွေကို အခမဲ့ကုပေးတာဖြစ်ပြီးတော့ ပိုက်ဆံချမ်းသာကြတဲ့ နိုင်ဂံဂျားပြန်သူဌေးတွေကိုတော့ ထိုက်ထိုက်တန်တန်ပိုက်ဆံယူပါတယ်ကွယ်.... နိုင်ငံဂျားပြန်သူဌေးကြီးတွေဆီကမှ ပိုက်ဆံမယူရရင်တော့ မကြီးဝါ မွဲသွားမှာပေါ့ကွယ်...း)))
ကဲပါ..ရောက်အောင်သာလာပါသူဌေးလေးရယ်.....ကိုယ့်မောင်နှမတွေချင်း ၅၀% ဈေးလျှော့ယူဘို့နဲ့ ထုံဆေးမပါပဲ.သွားတစ်ချောင်း အဆစ်နှုတ်ပေးလိုက်ဖို့ မကြီးဝါပြောထားပါမယ်လေ.. ဟတ်ဟတ်ဟတ်.”
“အောင်မယ်လေးရက်စက်ပါပေ့ မကြီးဝါရယ်... ဟုတ်..ဟုတ်ကဲ့..လာခဲ့ပါမယ်ခင်ဗျာ...”
ကဒ်း)))))))))))))))))))
************************************
“ကလင်... ကလင်..ကလင်..ကလင်...”
“ဟုတ်ကဲ့ပါခင်ဗျာ.... ကျွန်တော် “ Y.K .N အင်္ဂလိပ်စကားပြော နဲ့ အထွေထွေအကျိုးဆောင်လုပ်ငန်းကုမ္ပဏီလိမိတက်” က မန်နေဂျင်းဒါရိုက်တာ ရန်အောင် ဖြစ်ပါတယ်ခင်ဗျာ..”
“ဟုတ်ကဲ့ပါ U.S.A ပြန် ဘလော့ဂါဆရာကြီးကိုရန်အောင်ရေ... ကျွန်မက ကိုရန်အောင်ပြောခဲ့ဘူးတဲ့ ကမ္ဘာကျော်ဘလော့ဂါဆရာမကြီး ၀ါဝါခိုင်မင်းဖြစ်ပါတယ်......ဟဟဟားးး အရင်တုန်းက အကြောင်းလေးတွေ ပြန်ပြောရတော့လည်း စိတ်ချမ်းသာပြီး ပျော်ဘို့ကောင်းတယ်နော်.... ဘ၀ရဲ့အမှတ်တရလေးတွေဖြစ်ခဲ့တာပေါ့...”
“ သြော် .....မ၀ါလား... ဟတ်ဟတ်ဟတ်..”
“ မဆုံဖြစ်ကြတာတောင် တော်တော်လေးကြာသွားပြီနော်....... ဘာလိုလိုနဲ့ နှစ်ပေါင်း ၂၀လောက်ရှိသွားကြပြီပဲ..... ”
“ဒါနဲ့ မ၀ါရောနေကောင်းရဲ့လား”
“နေကောင်းပါတယ် ကိုရန်အောင်ရေ... ကျေးဇူးတင်ပါတယ်ရှင်... ကိုရန်အောင်လည်း မြန်မာပြည်ကိုပြန်ရောက်နေပြီဆိုတော့ စိတ်အေးချမ်းသာစွာနဲ့ စထရက်စ်လျော့ နေရောပေါ့နော်... ဒါနဲ့ ကိုရန်အောင်ရဲ့ မ ရော နေကောင်းပါရဲ့လားရှင်...”
“သြော်..မ..မ..မ.... မ၀ါပြောလိုက်မှပဲ မကိုပိုလွမ်းသွားပြီဗျာ... အိအိအိ.” ( ကိုရန်အောင် ဆိုဖာပေါ်မှာထိုင်ရင်း ငိုလိုက်တဲ့ အသံပါရှင်.)
တကယ်တော့ ကျွန်တော်နဲ့ မ တို့က ဖူးစာမဆုံနိုင်ဘို့ ၉၀ % နှုန်းလောက်ရှိခဲ့တယ်ဆိုတာ မ၀ါလည်းသိနေတာပဲလေ.... မ နဲ့ ဖူးစာမဆုံနိုင်ခဲ့တော့ ညီမလေးပေါ့ မ၀ါရယ်..ဟတ်ဟတ်ဟတ်... ကျွန်တော့အိမ်သူသက်ထားဇနီးလေးက အရမ်းလိမ္မာပြီး အရမ်းချောတာဗျ... ရှူးးး မ၀ါ ..မ ရဲ့အကြောင်းတွေ လျှောက်မဖွနဲ့နော်... ကျွန်တော့ချစ်ဇနီးလေးစိတ်ဆိုး စိတ်ကောက်မှာကို ကျွန်တော်မခံစားနိုင်ဘူးဗျာ.. ဟီးးးးရွှတ်.. ကျွန်တော် သူ့ကို အဲဒီလောက်ထိအောင် ချစ်တာဗျ... မ က အတိတ်မှာ ကျန်ခဲ့ပါပြီဗျာ... ကျွန်တော့ လက်ရှိဘ၀လေးကိုပဲ သာယာပျော်ရွှင်ပြီး အောင်မြင်တဲ့မိသားစုဘ၀လေးဖြစ်အောင် တည်ဆောက်မယ်လို့ ကျွန်တော်အဓိဌာန်ချထားတယ်ဗျာ.အခု ..ကျွန်တော့မှာ သားလေးတစ်ယောက် သမီးလေးတစ်ယောက် ကျွန်တော်သိတ်ချစ်တဲ့ ကျွန်တော့်ရဲ့ချစ်ဇနီး လေးတစ်ယောက် ရှိနေပြီဗျာ ..ကျွန်တော့ဘ၀က အရင်နှစ် ၂၀ ကနဲ့စာရင် ကိုယ်ပိုင်လုပ်ငန်းစီးပွားရေးနဲ့ အများကြီးတိုးတက်လာခဲ့ပြီဗျာ... အရင်လို မ၀ါ ငြီးခိုင်းလို့ လူတွေမသိ သိအောင်ငြီးလိုက်ရတဲ့ အိုဘယ့်..နိုင်ငံခြားဆိုပြီး ကျွန်တော်ငြီးစရာလည်း မလိုတော့ဘူးလေ.......ဟတ်ဟတ်ဟတ် ”
“ကောင်းတာပေါ့ ကိုရန်အောင်ရယ်.. အခုလိုကြားရတာ ၀မ်းသာပါတယ်ရှင်.... ကျွန်မက လွန်ခဲ့တဲ့အနှစ်၂၀လောက်က တစ်မတည်း မနေတဲ့ ကိုရန်အောင်က “မ” လို့ဆိုတဲ့ တစ်ယောက်တည်းသောသူကို မမေ့နိုင်ပဲ အစွဲလန်းကြီး စွဲလန်းနေမှာကို စိတ်ပူလို့ မေးကြည့်မိတာပါ.. အခုလိုကြားရတာ တကယ်ဝမ်းသာမိပါတယ်ရှင်... ဒါနဲ့.. နိုင်ငံခြားသွားကြမယ့် ကျွန်မ အလုပ်က ဆရာဝန်မလေး၂ယောက် အင်္ဂလိပ်စကားပြောသင်တန်းတက်ချင်လို့ လွှတ်လိုက်ပါမယ်နော်..အနီးကပ် ၂လပြတ် အထူးနှုန်းနဲ့သင်ပေးပါရှင်...ကျေးဇူးပဲ ကိုရန်အောင်ရေ.”
ကဒ်..း)))))))))))))
************************************
ကားကို လမ်းဘေးတနေရာမှာရပ်....အနော်ရထာလမ်းမတလျှောက် ကျွန်မလျှောက်သွားရင်
“မနော်ဟရီစာပေ နဲ့ မဂ္ဂဇင်းထုတ်ဝေဖြန့်ချီရေးကုမ္ပဏီလိမိတက်” ဆိုတဲ့ ဆိုင်းဘုဒ်ကြီးကိုမြင်တော့ ကျွန်မ တချိန်ကခမည်းခမက်တော်ကြမယ်လို့ စခဲ့ကြတဲ့ မနော် (ခေါ်) ဘက်ဆဲလ်လားစာရေးဆရာမကြီးမနော်ဟရီ ကို သတိရမိသွားခဲ့ပါတယ်... သြော်..မေခ.. အခုဆိုရင် အမေရိကားမှာပဲလားမသိဘူးလို့တွေးနေတုန်းမှာပဲ
“မနော်ဟရီစာပေ နဲ့ မဂ္ဂဇင်းထုတ်ဝေဖြန်းချီရေးကုမ္ပဏီလိမိတက်” ရဲ့ဆိုင်ဝင်ပေါက်မှာ ကျွန်မနဲ့အသက်ရွယ်တူလောက်ထင်ရတဲ့ စတိုင်ကျကျ အမျိုးသမီးခပ်ချောချောတစ်ယောက် ထွက်လို့လာခဲ့ပါတယ်... စတိုင်ကျကျအမျိုးသမီးရဲ့နောက်ဖက်မှာ အိတ်ကလေးဆွဲပြီးလိုက်ပါလာတဲ့သူကတော့ .......
သေခြာပြီ..သေခြာပြီ..... မနော်ဟရီဆိုတဲ့ ဆိုင်းဘုဒ်ကလေးမြင်လို့ဆိုင်ရှေ့မှာရပ်ရင်းအတွေးဝင်နေတဲ့ကျွန်မက ဆိုင်ထဲကနေထွက်လာကြတဲ့ သူနှစ်ယောက်ကို မြင်လိုက်ရရင်ပဲ....
“ ဟိတ် မေခ ရေ လို့ အော်ခေါ်လိုက်တော့ ...”
“ဟယ်..၀ါဝါ..၀ါဝါ မဟုတ်လား... ၀ါဝါ အရင်ကထက်စာရင် နဲနဲဝလာတယ်နော်.. ဖိုးစိန်ရေ.. ဒီမှာ ၀ါဝါရယ်လေ.”
“ဟာ..မကြီးဝါ ... တွေ့ရတာ ပျော်လိုက်တာဗျာ.... ကျွန်တော်တို့တွေ မတွေ့ကြတာ တော်တော်ကြီးကြာသွားပြီနော်...မကြီး ၀ါနေကောင်းရဲ့လား...အစ်ကိုဥာဏ်နဲ့ ညီမလေးခိုင်ကျန်တို့ရော နေကောင်းကြလားမကြီးဝါ.... ကျွန်တော်လည်း ဒီမတွေ့ကြတဲ့ အနှစ် ၂၀အတွင်းမှာ ဆိုက်ပရပ်စ်မှာပဲ နေဖြစ်တာများတယ် မကြီိးဝါရ.. စောစောကတောင် မကြီးနော်ကိုပြောပြနေတာလေ...မကြီးဝါဆီကိုသွားလည်ဦိးမယ်လို့..... ကျွန်တော်အခု ခဏပြန်လာတာလေ.. ... ကျွန်တော့်အမျိုးသမီးလေး မေခိုင် က ဆိုက်ပရပ်စ်မှာ ခဏနေခဲ့တယ်... ကျွန်တော်က မကြီိးနော်ရဲ့ကုမ္ပဏီမှာ ရှယ်ရာတချို့ဝင်ထားလို့ အလုပ်ကိစ္စအတွက် ခဏပြန်လာတာ မကြီးဝါရေ..ပျော်လိုက်တာဗျာ..ကျွန်တော်တို့ မောင်နှမသုံးယောက် နေ့လည်စာသွားစားကြရအောင် ကျွန်တော်ဒကာခံပါမယ်ဗျာ.”
“အိုကေ..သွားစားကြတာပေါ့... စပ်စုစိန် လေးရေ... ဒါနဲ့ မကြီးအိမ်ကိုလည်း အလည်လာဦးလေ...ဦးဥာဏ်ကတော့ ကျောင်းအလုပ်တွေနဲ့ အလုပ်များနေတယ်လေ... သမီးလေးကလည်း မနှစ်က နိုင်ငံခြားကတစ်ခေါက်ပြန်လာပြီး နောက် ၃၊၄ လနေရင် မင်္ဂလာဆောင်ဘို့တစ်ခေါက်ပြန်လာဦးမယ်လေ..သမီးလေးခိုင်က အခု ဂျပန်မှာပါ။ဒါနဲ့...... ၀သန်နဲ့ရောတွေ့သေးလား... ၀သန်က မြေနီကုန်းမှာ ကားပြခန်းဖွင့်ထားတယ်လေ...ဂျပန်ပြန်သူဌေးကြီးဝသန်မိုးရဲ့ “ Tokyo ကားပြခန်း ” ကိုသွားပြီး မော်ဒယ်အသစ်ကားလေးတွေ သွားငမ်းလိုက်ဦး။ သူက တချိန်က မကြီးတို့ ဘလောဂါမောင်နှမတွေကားဝယ်ရင် ၁၀နှစ် အရစ်ကျငွေချေစနစ်နဲ့ ရောင်းပေးတယ်လေ.. ဟတ်ဟတ်.. တကယ်ပြောတာ.. ၀သန်တို့က စီပွားရေးမျက်စိရှိတော့ အရမ်းချမ်းသာနေတာပေါ့... ၀မ်းသာပါတယ်..တချိန်ကမောင်နှမတွေ အခုလို စီးပွားရေးအဆင်ပြေနေကြတာတွေ တွေ့ရလို့လေ... နောက်ပြီး တောင်ပေါ်သားလေး ကိုရောတွေ့သေးလား... မကြီး ဟိုတစ်ခေါက် တောင်ကြီးသွားလည်တော့ အဝေးပြေးဂိတ်မှာ “ မောရှမ်းမြေ ခရီးသွားဝန်ဆောင်မှုလုပ်ငန်း” ပိုင်ရှင်ကြီး တောင်ပေါ်သားလေးကိုတွေ့ခဲ့ရသေးတယ်လေ....အဝေးပြေးကားကြီးတွေ ဘယ်နှစင်းတောင်ပိုင်နေပြီလဲမသိဘူး.. သူဌေးကြီးဖြစ်နေပြီလေ.တောင်ပေါ်သားလေးက..... နောက်ပြီး တောင်ပေါ်သားလေးရဲ့သူငယ်ချင်း၊တောင်ပေါ်သားလေးနဲ့ ရည်းစားအပြိုင်ထားဖက် (ဒါပေမယ့် တစ်ယောက်မှ မစွန်) ပုလုကွေး လေးကလည်း “ ငယ်ငယ်ဖြူ ဆောက်လုပ်ရေးနဲ့ အိမ်အလှဆင်လုပ်ငန်းအေဂျင်စီ” ပိုင်ရှင် ဖြစ်နေလေတော့ မကြီးတို့ ဆေးခန်းကြီးကို တည်ဆောက်ရာမှာ ပုလုကွေးကို အားကိုးခဲ့ရတာလေ..... အခုဆိုရင် နာမည်ကြီး ဆောက်လုပ်ရေးလုပ်ငန်းပိုင်ရှင်ကြီး ဖြစ်နေပြီပေါ့.”
“ ဟုတ်ကဲ့မကြီးဝါရေ...မကြီးပြောပြမှပဲ ကျွန်တော်အကုန်သိရတော့တယ်...အရင်းတုန်းက ဘလော့ဂါမောင်နှမတွေ အခုလိုအဆင်ပြေနေတာကြားရလို့ ကျွန်တော်လည်း ၀မ်းသာတာပဲဗျာ... ကျွန်တော်လည်း နောက် ၂နှစ်လောက် ဆိုက်ပရပ်စ်မှာငွေစုပြီးရင် မြန်မာပြည်မှာ ပြန်လာပြီးအခြေချတော့မယ်ဗျာ... ”
ကဒ်း))))))))
***********************************
“ မေတ္တာရောင်ပြန် စိန်ရွှေရတနာရောင်းဝယ်ရေး ”
လသာလမ်းမှာဖွင့်ထားတဲ့ မေတ္တာရောင်ပြန်စိန်ရွှေရတနာရောင်းဝယ်ရေးဆိုင်ထဲကို ၀င်လာတဲ့ကျွန်မကို
ဝန်ထမ်းတစ်ယောက်ကမြင်တော့.....
“ ဟာ..အန်တီဝါကြီးလာတယ်.... အန်တီဝါ ခဏထိုင်စောင့်ပေးပါရှင် ..ကျွန်မ မမမေတ္တာရောင်ပြန်ကိုသွားခေါ်ပေးပါမယ်ရှင်.”
“ဟုတ်ပြီ..သမီးရေ... ညီမလေးမေတ္တာရောင်ပြန်ကို ခေါ်ပေးပါဦးနော်...အန်တီဒီမှာစောင့်နေပါမယ်.”
....................................
“ဟာ..မမ၀ါကြီးလာတာ ရုံခန်းထဲကိုခေါ်လာတာမဟုတ်ဖူး..မမ၀ါရေ..ဘာအလိုရှိပါသလဲရှင်.”
“ ရုံးခန်းထဲမလာတော့ပါဘူး ညီမလေးရေ... မမ ပစ္စည်းလာမှာတာပါ.. နောက်လမှာ မမသမီးလေးခိုင်ရဲ့ မင်္ဂလာဆောင်ရှိတယ်လေ.. တခါတည်းညီမလေးကိုဖိတ်ရင်း တစ်ရတီစိန်တစ်လုံးစီနဲ့ လက်ထပ်လက်စွပ် ၂ကွင်း စပါရှယ်လုပ်ပေးပါညီမလေးရေ... အထူးအော်ဒါမှာတာနော်..... သမီးလေးက မင်္ဂလာပွဲပြီးရင် ဇနီးမောင်နှံ ၂ယောက်စလုံး နိုင်ငံခြားကို ပညာတော်သင်ထပ်ထွက်ကြမှာလေ.. မမ အမှတ်တရလက်ဖွဲ့လေးလုပ်ပေးလိုက်ချင်လို့ပါ ညီမရေ... စိန်သန့်သန့်လေးရွေးပေးပါနော်..”
“ဟယ်..ဟုတ်လားမမရဲ့... ခိုင်ကျန်လေးမင်္ဂလာဆောင်တော့မှာပေါ့နော်... ၀မ်းသာပါတယ်မမရေ...ခိုင်ကျန်လေးက အခုဆိုရင် ဒေါက်တာခိုင်ကျန်ကြီးဖြစ်လို့နေပြီပေါ့နော်....ပျော်စရာကောင်းလိုက်တာ မမရေ... ဟုတ်ကဲ့ မမ ..စိတ်သာချပါ... ခိုင်ကျန်လေးအတွက် မမရဲ့ မင်္ဂလာလက်ဆောင်လေးကို ညီမလေး အသန့်ဆုံးစိန်လေးတွေရွေးပြီးလုပ်ထားပေးပါမယ် မမ..စိတ်ချပါနော်.”
“ ကျေးဇူးတင်ပါတယ် ညစ်တာရောင်ပြန်လေးရယ်... မင်္ဂလာဆောင်ကျရင်လည်း ဆက်ဆက်လာခဲ့နော်... မမပြန်တော့မယ်.”
“ကော်ဖီသောက်သွားပါဦး မမရဲ့.. မမခေါ်တဲ့ ညစ်တာရောင်ပြန်လေးကို ညီမလေးက စွဲနေတာနော်.. ညီမလေးကိုလည် ခဏနေရင် မောင်ကလာကြိုတော့မှာ မမရဲ့ နေ့လည်စာထွက်စားကြမလို့လေ... သားနဲ့သမီးကတော့ ကျောင်းတက်နေကြတာနဲ့ပဲ မအားကြဘူးမမရေ... ညီမလေးတို့ နှစ်ယောက်က အပြင်မှာပဲစားဖြစ်ကြတာများတယ်... အခုမှ မြန်မာအစားအသောက်တွေ အတိုးချပြီးစားနေရတာ မမရ.. သမီးလေးခိုင်ရဲ့မင်္ဂလာပွဲကိုမောင်နဲ့အတူ ဆက်ဆက်လာခဲ့မယ်နော် မမ.”
ကဒ်း))))))))
*******************************
ဒေါက်..ဒေါက်... )))
“ ဘယ်သူလဲ..၀င်လာပါ..”
“ ကျွန်တော် ဒေါက်တာဖြိုး ပါ အစ်မ၀ါရေ... ”
“အိုကေ..ဆရာရေ..၀င်လာပါရှင်.. ဘယ်လိုလဲ ဆရာခြေခြင်းဂျိတ်ရာရေ... အလုပ်အကိုင်အဆင်ပြေရဲ့လား... ဟတ်ဟတ်..အစ်မက အရင်နှစ် ၂၀ ကအကြော်ငးလေးတွေသတိရမိပြီး စမိပြန်ပါပြီ... ဒီမောင်နှမတွေနဲ့ ဘယ်အချိန်အထိ ရေစက်ဆုံနေကြဦးမလဲ မသိဘူးနော်...”
“ ဟုတ်တယ် အစ်မ၀ါရေ... အစ်မရဲ့ကျေးဇူးနဲ့ ကျွန်တော်တို့ စနေ၊တနင်္ဂနွေ အလုပ်အားရက်ကလေးတွေမှာ စေတနာနဲ့ လူနာတွေကိုကုသပေးနေရတာ အရမ်းပီတီဖြစ်ရပါတယ် အစ်မရေ.... ကျွန်တော့ အိမ်သူသက်ထားလေးကတောင် ပိုက်ဆံမရှိတဲ့လူနာတွေကို စရိတ်မျှပေးကျန်းမာရေးအစီအစဉ်နဲ့ အစ်မ၀ါက စနေ၊ တနင်္ဂနွေရက်ကလေးတွေမှာ Free ကုသခွင့်ပေးလို့
ဝမ်းသာပီတိဖြစ်ပြီး အစ်မ၀ါကိုအားကျနေတာ အစ်မရေ... ဒါနဲ့ အစ်မ၀ါရေ.. ဒီနေ့ ဟိုကောင် လှလှ ကခါးနာနေလို့ဆိုလား မလာနိုင်ဘူးတဲ့... အဲဒါကျွန်တော့ကိုပြောခိုင်းလိုက်လို့ လာခဲ့တာ အစ်မရေ.. အလကား..သူခါးနာတာထက်..ဒီနေ့သူ့အမျိုးသမီးနဲ့သွားစရာကိစ္စတစ်ခုရှိပုံရတယ်... အဲဒီကောင်က မိန်းမကို အရမ်းကြောက်ရတာ အစ်မရ... အဟတ်..ကျွန်တော်တို့က ငယ်ကတည်းကအတိုင်း အကျင့်မပျောက်သေးဘူးအစ်မရဲ့... တစ်ယောက်အကြောင်းတစ်ယောက်အတင်းပြောရတာလေ...ဦးသူတွယ်တမ်းပဲ.... အစ်မသိတဲ့အတိုင်းပဲ... ဟက်ဟက် ...ကျွန်တော်သွားတော့မယ် အစ်မ.. အလုပ်ဆက်လုပ်လိုက်ဦးမယ်နော်..ဟိုကောင်လာရင် မေးလိုက်ဦးနော် အစ်မ.....သူက ဆရာဝန်မလုပ်သင့်ဘူး...ဓမ္မစရိယတရားပြတဲ့ ဆရာလုပ်သင့်တာလေ... ဟက်ဟက်.. ကျွန်တော်ပြေးပြီ အစ်မရေ....း))”
“ ဟုတ်ပါပြီ..ဆရာရယ်.....ဆရာတို့လည်း အသက်သာ ၄၀ကျော်လာကြပြီ အခုအထိသူငယ်ချင်းနှစ်ယောက်တွေ့ရင် ကလေးစိတ်က မပျောက်ကြသေးဘူး..ဟတ်ဟတ်.... ဆရာတို့ကိုလည်း အစ်မက အရမ်းကျေးဇူးတင်ပါတယ်ရှင်.... အလုပ်အားရက်တွေမှာ အိမ်မှာ ဇိမ်နဲ့ မနားကြပဲ လုပ်အားလာပေးနေကြလို့ လေးစားပါတယ် ၊ ကျေးဇူးတင်ပါတယ် ဆရာ ရေ. ”
ကဒ်း)))))))))))))
******************************************
“ မမရေ...... ဆေးကုမ္ပဏီ ကဆေးတွေလာပို့ပါတယ် မမ ”
“ ဟုတ်ပြီလေ..ညီမလေး လက်ခံထားလိုက်နော်... ”
“ဟုတ်ကဲ့ပါမမ စိတ်ချပါ... ဒါပေမယ့် အခုလာပို့တဲ့ဆေးကုမ္ပဏီပိုင်ရှင်ကြီးက မမနဲ့ တွေ့ချင်လို့ပါတဲ့.... ”
“ဟုတ်လား ညီမလေး... ရုံးခန်းထဲကို လွှတ်လိုက်ပါနော်.”
..............................
“ မမ၀ါ ”
“ဟင်.......ကြားဘူးပါတယ် ဒီခေါ်သံကို..”
“ကျွန်တော် နေလင်းလေမမ၀ါရဲ့ မမှတ်မိတော့ဘူးလား..”
“အို..ဟုတ်ပါရဲ့..မောင်နေလင်းပေပဲကို... တွေ့ရတာ ၀မ်သာပါတယ် မောင်နေလင်းရေ..ဒါနဲ့ ပူတူတူးလေးရော နေကောင်းပါရဲ့လား.. ညီမလေးဝါ၀ါကိုပါ ခေါ်လာတာ မဟုတ်ဖူးနော်..ညီမလေးကိုလဲတွေ့ချင်နေတာလေ.....”
“ဒါနဲ့ မောင်နေလင်းက အခုအစ်မတို့ဆေးရုံကိုဆေးတွေစသွင်းနေတဲ့ “ ၀ါဝါလင်းဆေးကုမ္ပဏီပိုင်ရှင်ကြီးလား... အစ်မ မသိလိုက်ဖူးရယ်လေ..မောင်နေလင်းတို့ကုမ္ပဏီကနေ ဆေးတွေသွင်းဘို့ ဆက်သွယ်လာကြတုန်းက အစ်မ သမီးလေး မင်္ဂလာပွဲကိစ္စအတွက် စီစဉ်စရာတွေလုပ်နေရတာနဲ့ ပိုင်ရှင်တွေနဲ့ မရင်းနှီးလိုက်ဖူးဖြစ်သွားတယ်... အခုမှ မောင်နေလင်းရောက်လာလို့ သိရတာလေ... တွေ့ရတာ တကယ်ပဲ အရမ်းဝမ်းသာပါတယ်မောင်နေလင်းရေ...... ဒီလိုဆိုတော့ လွန်ခဲ့တဲ့ အနှစ် ၂၀ က မောင်နှမလေးတွေကို သတိရမိသွားသလို မောင်နေလင်းရေးခဲ့တဲ့ တိန်..တိန်...တိန် ပို့စ်လေးကို မကြာခဏသတိရမိနေတယ်လေ.... ဟဟားး မောင်နေလင်း စာရေးကောင်းခဲ့တာ တကယ်ပါပဲ.....နောက်လာရင် ညီမလေးဝါ၀ါကိုလည်းခေါ်လာခဲ့ပါဦးနော်.”
“ ဟုတ်ကဲ့ပါ မမ၀ါရေ..ထပ်လာခဲ့ပါဦးမယ်ဗျာ..ပူတူတူးလေးပါ ခေါ်လာခဲ့မယ်နော်.. မမ၀ါက ဒံပေါက်ဝယ်ကျွေးပေါ့.”
“ဟဟဟား.. ကျွေးပါမယ်ရှင်... မောင်နေလင်း ဒံပေါက်ကြိုက်တာ အစ်မသိနေပါတယ်... ကဲ..ဒီတစ်ခေါက်တော့ ကော်ဖီပဲသောက်သွားတော့နော်... နောက်တစ်ခါ ညီမလေးနဲ့ နှစ်ယောက်လာမှပဲ ဒံပေါက်လိုက်ကျွေးတော့မယ်....”
“ ဟုတ်ကဲ့ပါမမ၀ါ ”
ကဒ်း)))))))
**************************************************
“မင်္ဂလာဧည့်ခံပွဲဖိတ်ကြားလွှာ”
ရန်ကုန်မြို့ ......................နေဦးမြတ်ကိုကို(Ko Ko Construction) နှင့် ဒေါ်ရူပါ ( ရူပါနွယ် အိမ်ဆောက်ပစ္စည်းရောင်းဝယ်ရေး)
တို့၏ တစ်ဦးတည်းသောသား
ဒေါက်တာမြတ်သူရကို M.B.B.S (Ygn.)
ရန်ကုန်မြို့...................နေ ဒေါက်တာဥာဏ် ( သွားနှင့်ခံတွင်း အထူးကုဆရာဝန်ကြီး ) နှင့် ဒေါ်ဝါ၀ါခိုင်မင်း ( စေတနာ အတွေတွေရောဂါကုဆေးခန်း) တို့၏ တစ်ဦးတည်းသောသမီး
ဒေါက်တာမေမြတ်နိုးခိုင် M.B.B.S (Ygn)
တို့၏မင်္ဂလာဧည့်ခံပွဲကို Trader Hotel တွင် ကျင်းပမည်ဖြစ်ပါသောကြောင့် လွန်ခဲ့သော နှစ်ပေါင်း ၂၀က ကျွန်မ ဒေါ်ဝါ၀ါခိုင်မင်းနှင့်သိကျွမ်းခင်မင်ခဲ့သော ဘလော့ဂါမောင်နှမအားလုံးတို့ကို မင်္ဂလာဧည့်ခံပွဲသို့ ကြွရောက်ချီးမြှင့်ပေးကြပါရန် ခင်မင်လေးစားစွာဖိတ်ကြားအပ်ပါသည်ရှင်။
*********************************************************************
ဖြည့်စွက်ချက်...
နောင်လာမယ့်အနှစ် ၂၀ အတွက်စိတ်ကူးလေးတွေဘယ်လိုယဉ်ထားတယ်ဆိုတာ သိချင်လို့ပြောပြပေးဦးလို့ ရွာသားလေး(YTU)က Tagလာတဲ့အတွက် အင်းးး စိတ်ကူးတွေ စိတ်ကူးတွေ“ စိတ်ကူးတိုင်းသာဖြစ်မယ်ဆိုပါရင် ...:D
နောင်လာမယ့် အနှစ် ၂၀မှာတော့ ကျွန်မတို့မိသားစု နိုင်ငံခြားပဲပြန်ရောက်နေမလား ၊ မြန်မာပြည်မှာပဲ အခြေတကျဖြစ်နေမလားဆိုတာ မပြောနိုင်သလို ....မနက်ဖြန်ဆိုတာတောင် မသေခြာတဲ့လူ့ဘ၀ကြီးမှာ နောင်လာမယ့် အနှစ် ၂၀အတွက်စိတ်ကူးလေးတွေရေးပေးဖို့ပြောလာလေတော့ ...စိတ်ကူးယဉ်တာပဲနော်...ပိုက်ဆံပေးရတာမှမဟုတ်တာလေ... စိတ်ကူးလေးတွေပဲရင်းရတာဆိုတော့..... နောင်လာမယ့် အနှစ်၂၀အတွက် ကျွန်မလည်း စိတ်ကူးယဉ်လိုက်ပါတယ်ရှင်.... ကျွန်မကို စိတ်ကူးယဉ်ခွင့်ပေးတဲ့ မောင်ငယ်ရွာသားလေးဝိုင်တီယူကိုလည်ကျေးဇူးတင်ပါတယ်။
တကယ်တော့ မောင်လေး ၊ညီမလေးတွေကို နိုင်ဂံဂျားပြန်ငြီးချင်းလေးရေးခိုင်းပြီး... မောင်လေး ၊ညီမလေးတွေ ရေးပြီးသားတက်ဂ်ပို့စ်လေးတွေလိုက်ဖတ်ပြီးတော့ နိုင်ငံခြားမှာရုန်းကန်လှုတ်ရှားနေရတဲ့ဘ၀လေးတွေကို ကွင်းကွင်းကွက်ကွက် မြင်ရလေအောင် ရေးသားပေးထားကြတဲ့သူတွေအတွက် စိတ်မကောင်းတကယ်ဖြစ်မိပြီး “မောင်လေး ၊ညီမလေးတွေရေ ... အခုအချိန်မှာ အနာခံထားကြ ..နောင်လာမယ့် အနှစ်၂၀လောက်ဆိုရင် မောင်လေး ၊ ညီမလေးတွေဟာ သူဌေးကြီးတွေဖြစ်နေကြပြီး အခုလိုရုန်းကန်လှုတ်ရှားခဲ့ကြတာလေးတွေဟာ ဘ၀ရဲ့တစိတ်တပိုင်းအမှတ်တရလေးတွေဖြစ်နေခဲ့မှာပါ၊နောင် လာမယ့် အနှစ် ၂၀ ကျရင် ဘ၀မှာ အောင်မြင်မှုတွေနဲ့အတူ ကိုယ့်ရဲ့သားသမီးတွေကို .. ဖေဖေတို့ မေမေတို့ အခုလိုချမ်းချမ်းသာသာနေနိုင်တာ လွန်ခဲ့တဲ့ အနှစ် ၂၀လောက်က ဖေဖေတို့ မေမေတို့ ဘယ်လို ရုန်းကန်ခဲ့ကြရတယ်ဆိုတာတွေကို ရင်ထဲက ဘယ်တော့မှမမေ့နိုင်တဲ့ အမှတ်တရ ပုံပြင်လေးတစ်ပုဒ်အဖြစ် ကိုယ့်သားသမီးလေးတွေကို မြိန်ရည် ယှက်ရည်လေးပြန်ပြောပြနိုင်မှာ သေခြာနေပါတယ်ကွယ်.” လို့ ပြန်ပြောချင်လို့ ပို့စ်လေးတစ်ခုရေးမယ်လို့စဉ်းစားနေမိတာ တိုက်တိုက်ဆိုင်ဆိုင် မောင်ရွာသားက နောင်လာမယ့်အနှစ် ၂၀ ဆိုတဲ့ Tag post လေးရေးခိုင်းလာလေတော့ ရေးချင်ရက် လက်တို့ဖြစ်သွားခဲ့ပါတယ်။း)))
ဒီပို့စ်လေးမှာ ကျွန်မရဲ့ “ နိုင်ဂံဂျားပြန်တစ်ယောက်ရဲ့ ငြီးချင်း” တက်ဂ်ပို့စ်လေးမှာ တက်ဂ်ခဲ့တဲ့ မောင်နှမ (၁၀)ယောက်ရဲ့နာမည်လေးတွေအားလုံးနဲ့အတူ တချို့မောင်လေး၊ ညီမလေးတွေရဲ့နာမည်လေးတွေကိုပါ ထည့်သွင်းဖော်ပြထားပါတယ်ရှင်..ကျွန်မရေးသားရာမှာ တစ်စုံတစ်ခုအမှားပါလာခဲ့ရင် ၊ မကြိုက်တာရှိခဲ့ကြရင်တော့ ဒီပို့စ်လေးဟာ မောင်နှမတွေအားလုံးကို ပျော်စေချင်တဲ့ စေတနာနဲ့ရေးသားခဲ့တာမို့ စေတနာအမှားသာဖြစ်နိုင်ပါကြောင်း ကြိုတင်မေတ္တာရပ်ခံလိုက်ပါတယ်နော်... ဖိုးစိန်ကိုတော့ နောင်လာမယ့် အနှစ် ၂၀အထိမျက်စိရှုတ်မှာစိုးလို့ မြန်မာပြည် ပြန်မခေါ်သေးပဲ ဆိုက်ပရပ်စ်မှာပဲ ထားလိုက်ပါတယ်....း))) ..
စာဖတ်သူအားလုံးကို လေးစားခင်မင်လျှက်
WWKM
| [+/-] |
အချစ်ဆိုသည်မှာ ( WWKM) |
အချစ်ဆိုသည်မှာ တဲ့......
ဒီခေါင်းစဉ်နဲ့ Tag post လေးတစ်ခေါက် ရေးပြီးခဲ့ပါပြီ။ကိုယ့်အသက်အရွယ်နဲ့ အချစ်အကြောင်းနဲ့ သိတ်မဆိုင်တော့သလို တွေးမိပြီး Tag post လေးကို ပြီးရင်ပြီးရော အဖြစ်ပဲ ရေးခဲ့လိုက်ပါတယ်။
ဟော..အခုတဖန် ..တီတီဝါ ရဲ့ အချစ်ကို သုတေသနလုပ်ချင်လို့တဲ့ မောင်ငယ်ကိုရဲက တက်ဂ်လာပြန်လေတော့ တခြားရေးထားကြတဲ့သူတွေဆီကို လိုက်ဖတ် ပညာယူပြီး ဘယ်လိုလေးရေးရင်ကောင်းမလဲလို့ စဉ်းစားမိတယ် ...ကဲ.. မထူးတော့ပါဘူး..ကိုယ့်အကြောင်းကိုယ်ပဲရေးတော့မယ်။ ကိုယ်ပိုင်ဆိုင်ထားတဲ့ ၊ ကိုယ်ပိုင်ဆိုင်နေတဲ့ အချစ်အကြောင်းလေးကိုပဲ မောင်နှမတွေကို ဝေမျှပေးဖို့ ဆုံးဖြတ်မိလိုက်ပါတော့တယ်....
လွန်ခဲ့တဲ့ ၁၄ နှစ်လောက်က ကျမ အချစ်ကို စတင်တွေ့ရှိခဲ့ပါတယ်။ကျမတွေ့ရှိခဲ့တဲ့ အချစ်က အလွန်ချစ်တတ်သော ယောကျာင်္းတစ်ယောက်ပဲ ဖြစ်ပါတယ်။
“မောင်”
မောင်ဟာကျမကို အလွန်ချစ်တယ်။ အလွန်ချုပ်ချယ်တယ် ၊ အလွန်သ၀န်တိုပါတယ်။ကျမဟာ အလွန်ချစ်တတ်တဲ့ မောင့်ရဲ့အချစ်တွေကိုပိုင်ဆိုင်ခဲ့ရတဲ့အတွက် ဟိုးငယ်စဉ်အချိန်က ကျေနပ်မှု ၊ ၀မ်းသာမှု ၊ ဂုဏ်ယူမှုတွေကို ခံစားခဲ့ရပါတယ်။ ဒါပေမယ့် ချုပ်ချယ်လွန်း ၊ သ၀န်တိုတတ်လွန်းတဲ့ မောင့်ကြောင့် ကျမမှာ အနေကျဉ်းကျတ်ပြီး မွန်းကျတ်မှုတွေပါ တပြိုင်တည်း ခံစားနေခဲ့ရပါတယ်။
တကယ်ပါ... ကျမတို့ အိမ်ထောင်သက် ၁၂နှစ်ပြည့်ပါတော့မယ်။ မောင်ဟာ ကျမအပေါ် ချစ်သူရည်းစားဘ၀တုန်းက အတိုင်းပဲ ချစ်နေဆဲ၊ ဂရုစိုက်နေမြဲ ၊ ချုပ်ချယ်နေဆဲ ၊ သ၀န်တိုနေမြဲ ပါပဲ ။
အခုအချိန်အထိ မောင်မပါပဲ မိန်းကလေးသူငယ်ချင်းတွေနဲ့အပြင်ထွက်လည်ကြရင်း မထင်မှတ်ပဲ ယောကျာင်္းလေးမိတ်ဆွေတွေပါလာခဲ့ရင် သိသိသာသာကို ငြိုငြင်တတ်ပါတယ်။ ကျမကလည်း ကိုယ်အမှားလုပ်တာမှ မဟုတ်ပဲနော်.. သူငယ်ချင်းမိတ်ဆွေတွေကို ပေါင်းသင်းတာပဲမို့ ကျမကို သ၀န်တိုငြိုငြင်ရင် တကယ်ခံစားရပါတယ်။ အချစ်ခံရလွန်းတော့လည်း တခါတလေ စိတ်ညစ်မိပါတယ်။
ဘလော့ဂ်မှာ မောင်လေးတွေ ၊ ညီမလေးတွေနဲ့ ကျမခင်ပါတယ်။ကျမက စိတ်ရင်းအတိုင်းပဲ ရင်းရင်းနှီးနှီး ခင်ခင်မင်မင်ပေါင်းတတ်ပါတယ်။ကိုယ်က အစ်မကြီးတစ်ယောက်လေ ။ မောင်လေးတွေ ညီမလေးတွေကိုလဲ တကယ်ခင်မိပါတယ်။အဲဒီအတွက်တော့ အိုကေပါတယ်။ ဘလော့ဂ်လုပ်ဖို့ မောင်က စတင်တိုက်တွန်းခဲ့တာပါ။ G talk မှာ invited လုပ်လာကြတဲ့ သူတွေကို accepted လုပ်ဖြစ်ပေမယ့် ယောကျာင်္လေးဆိုရင် Chatting မလုပ်ရဘူးဆိုတဲ့ မောင့်ရဲ့အမိန့်ကြောင့် ကျမ အကုန်လုံးကို ပြန်ပြီး block လုပ်ခဲ့ပါတယ်။ ဖြစ်ပုံများနော်... အဲလိုအူတိုတာလေ။ ကျမလဲ အဖွားကြီးဖြစ်ခါနီးနေပါပြီ။ မောင်ကတော့ အမြဲ အူတိုနေမြဲ ၊ အူတိုနေဆဲပါပဲ ။ ကျမမှာလဲ မောင့်ရဲ့အချစ်တွေနဲ့ ကျေနပ်နေပေမယ့် တစ်ခါတစ်လေတော့လည်း လိပ်ပြာသန့်တဲ့ ကိုယ့်ရဲ့စိတ်ကို မယုံကြည်သလိုကြီးခံစားရလို့ အခံရခက်နေမိခဲ့ပါတယ်။
မောင်က ကျမကို အခုအချိန်အထိကလေးတစ်ယောက်ကို ချစ်သလို အရမ်းချစ်နေဆဲပါပဲ။သူက ကျမကိုချစ်လွန်းတော့ ကံကြမ္မာဆိုတာ သိနိုင်တာမဟုတ်ဖူးတဲ့ အကြောင်းတစ်မျိုးမျိုးကြောင့် ကွဲကွာသွားရမှာကို သူအလွန်စိတ်ပူကြောင်း ပြောပြီး ၊ ကျမကိုချုပ်ချယ်သ၀န်တိုမိကြောင်းတွေပြောပြတတ်တယ်လေ။
မောင် ကျမကိုအရမ်းချစ်တယ်ဆိုတာကို ကျမခံစားလို့ရပါတယ် မောင်ရယ်။ဒါပေမယ့် မောင့်ရဲ့အချစ်တွေ ၊ ချုပ်ချယ်မှုတွေ ၊ သ၀န်တိုမှုတွေအောက်မှာ တခါတလေလဲ စိတ်ကျဉ်းကျပ်လွန်းလို့ မကျေနပ်မှုလေးတွေခံစားရပါတယ်။တစ်ခါတစ်လေတော့လည်း သြော်..သူက ငါ့ကိုအရမ်းချစ်လို့ သ၀န်နိုတာပဲလေ ၊ ယူကြပြီးမှ ကိုယ့်ဇနီးမယားအပေါ် မချစ်ခင် ၊မကြင်နာတတ်ကြတဲ့ ယောကျာင်္းတွေထက်စာရင် ကိုယ့်အပေါ်အရမ်းချစ်တဲ့ ယောကျာင်္းတစ်ယောက်ကို ပိုင်ဆိုင်ထားရတာပဲ ငါအရမ်းကံကောင်းပါတယ်လို့ ကိုယ့်ကိုယ်ကို နားလည်ခွင့်လွတ်မှုတွေနဲ့ ဖြေသိမ့်ရပါတယ်။
သြော်... အချစ်တဲ့ ... အမျိုးမျိုးပါပဲနော်.....
ကျမပိုင်ဆိုင်ထားတဲ့ မောင့်ရဲ့အချစ်တွေက ထွန်းအိန္ဒြာဗိုလ် ရဲ့သီချင်းလေးလိုပါပဲ... “ငါပိုင်ဆိုင်တဲ့ အချစ်တွေက မီးနဲ့ရေ ”တဲ့....
တစ်ခါတစ်လေတော့လည်းကျမဟာ မောင့်ရဲ့အချစ်တွေနဲ့ ပူလောင်နေတတ်ပါတယ်...
တစ်ခါတစ်လေတော့လည်းကျမဟာ မောင့်ရဲ့အချစ်တွေနဲ့ အေးမြနေတတ်ခဲ့ပါတယ်...
တစ်ခါတစ်လေတော့လည်း အူတိုတတ်လွန်းတဲ့ မောင့်ရဲ့အချစ်တွေနဲ့ မွန်းကျပ်နေမိပြန်ပါတယ်....
တစ်ခါတစ်လေတော့လည်း အရာရာမှာ ကျမကို ဦးစားပေးအလိုလိုက်တတ်တဲ့ မောင့်ရဲ့အချစ်တွေအတွက် ဂုဏ်ယူနေမိပြန်ပါတယ်...
ဘာပဲဖြစ်ဖြစ်...ကျမကို အရမ်းချစ်တဲ့ မောင့်ရဲ့အချစ်တွေကြောင့် မောင့်ကို ကျမနားလည်ပေးနေမိပါတယ်မောင်ရေ.....
စိတ်ချပါမောင်...ကျမအပေါ်အရမ်းချစ်တဲ့ မောင့်အပေါ် ကျမဘယ်တော့မှ သစ္စာမပျက်ပဲ ကျမအသက်ရှူရပ်တန့်သွားတဲ့ အချိန်အထိ သည်းခံခွင့်လွတ်ခြင်းတွေနဲ့ အမြဲလက်တွဲသွားမှာပါ မောင်ရေ.... မောင်သာ ကျမရဲ့ဘ၀ပါ... မောင်သာ ကျမရဲ့ကမ္ဘာပါ ...
ကဲ... ကျမရဲ့အချစ်အကြောင်းလေးကတော့ ဒီလောက်ပါပဲရှင်။
အချစ်ဆိုတာ ??????????????????????????????????????????????????????????
စိုင်းစိုင်းခမ်းလှိုင် ရဲ့ သီချင်းလေးကတော့ “အချစ်ဆိုတာ ချစ်နေဖို့ပဲလိုအပ်ပါတယ်”တဲ့ လေ.....
“နှစ်ဦးနှစ်ဖက် နားလည်မှုများနဲ့ သ၀န်တိုခြင်းကင်းစွာ ချစ်တတ်ကြပါစေ.....”
လေးစားခင်မင်လျှက်
ဝါ၀ါခိုင်မင်း
| [+/-] |
နိုင်ငံခြားပြန်တစ်ယောက်ရဲ့ငြီးချင်း (WWKM) |
ဒီနေ့တော့ နိုင်ဂံဂျားပြန် ( နိုင်ငံခြားပြန်) အကြောင်းလေးပို့စ်ရေးချင်စိတ်ပေါက်လို့ ရေးလိုက်ပါဦးမယ်နော်...
နိုင်ဂံဂျားပြန် ဆိုရင် ကျမတို့မြန်မာတွေက အရမ်းအထင်ကြီးကြတယ်လေ... နိုင်ငံခြားသွားရတော့မယ်ဆိုရင်ပဲ ချက်ချင်းသူဌေးဖြစ်သွားတဲ့ အတိုင်းပါပဲ။ ကျမတို့ ဂျပန်လာရမယ်ဆိုတော့ ရပ်ကွက်ထဲကလူတွေကပြောကြပါတယ်... “မ၀ါတို့တော့ သူဌေးဖြစ်ပြီ ဂျပန်တောင်သွားရမှာ”တဲ့.. ဟတ်ဟတ်. ဂျပန်သွားပြီး ဂျပန်ရောက်သွားတာနဲ့ ငွေဘုံကြီးပေါ်ထိုင်ရတော့မယ့် အတိုင်းပါပဲ...
နိုင်ငံခြားရောက်တဲ့သူတိုင်း အလကားနေကြရင်းနဲ့ သူဌေးမဖြစ်ကြဘူးဆိုတာကို နိုင်ငံခြားမှာရောက်နေကြတဲ့သူတိုင်း သိကြပါတယ်... နိုင်ငံခြားက ပြန်လာကြတဲ့ တကယ့်သူဌေးကြီးတွေလည်းရှိသလိုပဲ နိုင်ငံခြားမှာ အလုပ်ကလေးလုပ်ပြီး စုသင့်တာစု ၊ သုံးသင့်တာသုံး ၊ ကုန်သင့်တာကုန်နဲ့ တချို့ဆိုရင် ၀င်ငွေနဲ့ ထွက်ငွေနဲ့ ကွက်တိ ၊ ငွေဝင်နေတာပဲရှိတာလေ တစ်လ တစ်လ ကိုယ့်ရဲ့ဝင်ငွေကတော့ မြန်မာတွေကြားရင် မက်လောက်စရာကြီးပေါ့ ၊ ဒါပေမယ့် ထွက်တဲ့ငွေကလည်း သူ့နိုင်ငံ သူ့အသုံးစရိတ် ကိုယ်ဝင်တဲ့ဝင်ငွေနဲ့က ကွက်တိ
ဖြစ်လို့နေကြပါတယ်... ပြီးရင် ကုန်စရာတွေကလည်း အလိုလိုပေါ်လာတတ်ပြန်တယ်လေ...း)
နိုင်ငံခြားမှာ အလုပ်ကိုကြိုးစားလုပ်ကြပြီး ခြစ်ခြစ်ကုတ်ကုတ်တကယ်စုဆောင်းနိုင်ကြတဲ့သူတွေလည်းရှိနေကြပါတယ်... အဲဒီလိုလူတွေကိုတော့ လေးစားသလို အားလည်းကျမိပါတယ်... သူတို့တွေ ဒီမှာ အလုပ်ကြိုးစားလုပ် စုဆောင်းကြပြီး မြန်မာပြည်ပြန်ရောက်ကြရင်တော့ အရင်းအနှီးတစ်ခုရသွားပြီး စီးပွားရေးလုပ်ငန်းကောင်းကောင်းတစ်ခု တည်ထောင်နိုင်ကြပြီ ဆိုရင်တော့ သူတို့လို နိုင်ငံခြားပြန်တွေက မြန်မာတွေပြောသလို နိုင်ငံခြားပြန်သူဌေးကြီး ဖြစ်နိုင်တာပေါ့နော်...း)))))
ဥပမာ .. ကျွန်မတို့မိသားစုအကြောင်းလေးကို ပြောပြပါမယ်...( သူဌေးဖြစ်တဲ့အကြောင်း မဟုတ်ဖူးနော်..ငွေစုချင်ပေမယ့် ကုန်စရာတွေက အလိုလိုပေါ်ပြီး ငွေမစုနိုင်တဲ့ အကြောင်းလေးပါ။)း)))
ဦးဥာဏ်ရတဲ့ ပညာသင်ထောက်ပံ့ကြေးငွေက တကယ်တော့ ဂျပန်မှာ လူတစ်ယောက်သုံးစားပြီးနေဘို့ လောက်လောက်ငင ပေးထားတဲ့ငွေပါ။ ဒီဝင်ငွေနဲ့ ကျမတို့က မိသားစုအတူလာနေကြတော့ တစ်လတစ်လေကျရင် အသုံးစရိတ်က ကွက်တိပါ ၊ တစ်လတစ်လေကျရင် စုနိုင်ပါတယ် ၊ အဲ.. တစ်လတစ်လေကျရင်တော့ မလောက်ငှတတ်ပါဘူး။း))))) ဒါပေမယ့် ဦးဥာဏ်က ဒီမှာ super student ဆိုပြီးအရွေးခံရလို့ နောက်ထပ်လခတစ်ခု ထပ်ရပါတယ်... အဲဒါလည်း .. လုံးခြာလိုက်နေခဲ့တာပါပဲ.......း))))မြန်မာပြည်ကမိဘဆွေမျိုးတွေကတော့ ကျမတို့မိသားစုဝင်ငွေက ၂လစာဆိုရင် တိုက်ခန်းတစ်ခန်း ၀ယ်နိုင်တယ်ဆိုပြီး ပိုက်ဆံတွေ အများကြီိးစုမိနေတယ်လို့ ထင်နေကြပါတယ်... ဒါပေမယ့် ကျမက ဖုန်းဆက်တိုင်း ပိုက်ဆံမစုမိကြောင်းငြီးတွားတတ်လို့ ကျမကို “ ဂျပန်ကသူဌေးကလည်းအမြဲငြီးနေတာပဲ ”တဲ့လေ. ဟတ်ဟတ်...
တကယ်ပြောတာပါ... သူများတွေတော့ ပိုက်ဆံစုမိကြမလားမသိဘူး။ ကျမတို့ မိသားစုကတော့ ပိုက်ဆံကို ထင်သလောက်မစုမိပါဘူး။ မစုမိတာကလည်း ကျွန်မက အရမ်းခြစ်ခြစ်ကုတ်ကုတ်ကြီး မသုံးတတ်ပါဘူး။ နိုင်ငံခြားရောက်တုန်း တတ်နိုင်သလောက်ငွေစုမယ် ဆိုတဲ့ အတွေးရှိနေပေမယ့် တော်တော်များများ ကျွန်မက ကိုယ့်စိတ်ကိုကိုယ် အလိုလိုက်မိတာ များပါတယ်.... ခြစ်ခြစ်ကုတ်ကုတ် စုဆောင်းမယ် ဆိုတာထက် ကျွန်မရဲ့ ဆုံးဖြတ်ချက်ကတော့ စုသင့်သလောက်စုမယ်.. သုံးသင့်တာသုံးမယ် ၊ ၂ဖက်မိဘကို တတ်နိုင်သလောက်ထောက်ပံ့မယ် ။ နှစ်ဖက်မိဘကို တတ်နိုင်သလောက်ထောက်ပံ့မယ်ဆိုတာလည်း အခုဆိုရင် ဂျပန်ကနေငွေမပို့ပေးနိုင်တာကြာနေပါပြီရှင်.. ဟိုအကြောင်းပြ ၊ ဒီအကြောင်းပြနဲ့ကိုပဲ ငွေက အလိုလိုကုန်နေတာပါပဲ။ ဒါပေမယ့် မြန်မာပြည်မှာ ကျမတို့ပိုင်တဲ့ တိုက်ခန်းလေး ၂ခန်းနဲ့ ဟန်းဖုန်းလေးကို သူများကိုငှားထားတော့ အဲဒီဝင်ငွေလေးတွေနဲ့ပဲ မိဘတွေကို ထောက်ပံ့နေရတာ နှစ်ချီသွားပါပြီ။ ဒီကနေငွေမပို့ပေးနိုင်တာ နှစ်ချီသွားလို့ပါ။း)))
ကျမတို့ မိသားစု ပထမတစ်နှစ် ၂၀၀၅ မှာ ငွေစုနိုင်ပါတယ် ၊ ဒီရောက်ပြီး သိတ်မကြာခင်မှာ နှစ်ဖက်မိဘကို တစ်ဖက် ၅သိန်းစီ ပို့ပေးနိုင်ခဲ့ပါတယ်။ ပထမတစ်နှစ်မှာ ငွေစုနိုင်တဲ့ အကြောင်းကတော့ အဆောင်မှာနေရတဲ့ အတွက် အဆောင်လခက အများကြီးသက်သာပါတယ်။ အခုနေတဲ့ အခန်းခက တစ်လ ယန်း၆၀၀၀၀ ပေးရပါတယ်... အဆောင်မှာနေတုန်းက တစ်လ ယန်း ၁၀၀၀၀ ပဲပေးရပါတယ်။ ရေဘိုး ၊ မီးဘိုး ၊ ဂက်စ်ဖိုး ၊ အင်တာနက်ဖိုး ၊ဖုန်းဖိုးက အဆောင်မှာနေတုန်းက သိတ်မကုန်ခဲ့ပါဘူး။ အခု အပြင်အိမ်မှာနေတော့ ရေဘိုး ၊ မီးဘိုး ၊ ဂက်စ်ဖိုး ၊ အင်တာနက်ဖိုး ၊ဖုန်းဖိုး နဲ့ ဘာလာ..ဘာလာ.. ဘာလာက ယန်း ၄၀၀၀၀ လောက်ကုန်ကျပါတယ်.....သမီးလေးရဲ့ ကျောင်းလခက လစဉ် ယန်း ၁၇၀၀၀ ပေးရပါတယ်... ဒီကိုရောက်စက ယန်း၁၀၀ ဆိုရင် မြန်မာငွေ ကျပ် ၁၀၀၀ ကျော်ဆိုပြီး တွက်ပြီးသုံးလာခဲ့တာမို့ တော်တော်လေးချွေတာသလို ဖြစ်ခဲ့လို့ အိမ်စားသောက်စရိတ် သိတ်မကုန်ခဲ့ပါဘူး။ ဒါပေမယ့် အခုဆိုရင် ဒီလ ၁၇ ရက်နေ့က ယန်း ၁၀၀၀၀ ထုတ်ထားပြီး တစ်ပတ်စာဈေးဝယ်လိုက်တာ ယန်း ၅၀၀၀ ကျော်ကုန်သွားပါတယ်... သမီးလေးနေမကောင်းလို့ ဆေးခန်းပြလိုက်တာ ယန်း ၃၅၀၀ ကုန်သွားပါတယ်..ကျန်တဲ့ တစ်ထောင်ကျော်က မုန့်လေးဘာလေးစားတော့ ယန်း၁၀၀၀၀ ၁၇ ရက်နေ့ကထုတ်တာ ၂၁ ရက်နေ့မှာ ကုန်သွားပါတော့တယ်.. ပိုက်ဆံက အသုံးမခံပါဘူး။ (၅ ရက်မှာ အပိုသုံးငွေ မပါပဲနဲ့ ယန်း ၁၀၀၀၀ ကုန်သွားပါတယ်.)ဒီလတော့ ငွေစုမယ်လို့ တွေးလိုက်ပေမယ့် ကုန်စရာက အလိုလိုပေါ်လာပြန်တာပါပဲ။
၂၀၀၅ ဒီကိုရောက်ပြီးနှစ်ဖက်မိဘကိုငွေပို့ပေးတယ်.. မောင်နှမ ၄ယောက်ကို မုန့်ဘိုး နည်းနည်းစီပေးလိုက်နိုင်တယ် ဒီလောက်နဲ့ပဲ ၂၀၀၅ ကုန်သွားခဲ့ပါတယ်...
၂၀၀၆ ၂လပိုင်းမှာ ကျွန်မဖေဖေမဆုံးခင် ဆေးကုဘို့ ငွေပို့ပေးလိုက်နိုင်ပါတယ်... ၂၀၀၆ မတ်လမှာတော့ အဆောင်ကနေ အပြင်တိုက်ခန်းမှာ ငှားနေခဲ့ရတဲ့အတွက် ၂၀၀၅ ခုနှစ်က စုမိခဲ့တဲ့ ယန်းသောင်း ၂၀ ကျော်ကို တိုက်ခန်း တစ်လစာအတွက် ( စပေါ်၊ ပွဲစားခ အပါ) ပေးလိုက်ရပါတော့တယ်....ပလုံ.. ပလုံ.........း)))) ငွေစုမိပုံများနော်...း)))))
၂၀၀၆ နှစ်လည်လောက်မှာတော့ မောင်လေး ၂ယောက်ရှိတာ တစ်ယောက်ကို နိုင်ငခြားထွက်နိုင်ဘို့ အရင်းအနှီး ထုတ်ပေးပြီး ၊ မြန်မာပြည်မှာရှိတဲ့ မောင်လေးအတွက် ကိုယ်ပိုင်လုပ်ငန်း လုပ်ဖို့ ငွေ ပို့ပေးခဲ့ပြီး ကျမတို့ လက်ထဲမှာ ငွေလုံးဝ မကျန်တော့လို့ အကြွေးဝယ်ကဒ်နဲ့ သုံးခဲ့ရပါတယ်...း))( ကြွားတာ... ကြွားတာ )း))))
၂၀၀၆ နှစ်အကုန်မှာတော့ “တိုက်ခန်းလေး တစ်ခန်းဝယ်နိုင်အောင် ပိုက်ဆံစုကြမယ်ကွာ ”ဆိုပြီးတော့ ပိုက်ဆံစုကြတာ ၂၀၀၆ နှစ်ကုန်မှာတော့ ကျောက်မြောင်းမှာ ၇ လွှာ တိုက်ခန်းလေးတစ်ခန်းကို ၇၈ သိန်းနဲ့ ၀ယ်နိုင်ခဲ့ကြပါတယ်.... စင်္ကာပူရောက်နေတဲ့ မောင်လေးကလည်း ငွေ၁၅သိန်းပို့ပေးနိုင်ခဲ့လို့ ၀ယ်ဖြစ်သွားခဲ့တာပါ။မဟုတ်ရင် ပိုက်ဆံ မလောက်ပါဘူး။အဲဒီတိုက်ခန်းလေးမှာ ဦးဥာဏ်ကျောင်းက ဆေးကျောင်းသားလေးတွေကို တစ်လ ၃၅၀၀၀ နဲ့ အိမ်ငှားတင်ထားခဲ့တာ အခုအထိပါပဲ။
တကယ်တော့ တိုက်ခန်းကို ငွေတတ်နိုင်ရင် ၃ ၊ ၄ လွှာလောက် ၀ယ်ချင်တာပါ။ ကျွန်မတို့ ပထမပိုင်ထားတဲ့ တိုက်ခန်းကလေးကလည်း ကျောက်မြောင်းမှာပဲ ၄ လွှာပါ။ ၄ လွှာဆိုတော့ လူကြိုက်များပါတယ်။ အဲဒီတိုက်ခန်းလေးကိုတော့ ကျွန်မဒီကိုလာခါနီး ကျွန်မတို့ပိုင်တဲ့ ဆေးခန်းလေးကိုရောင်းပြီး ၀ယ်ခဲ့တာပါ။ အခု ဆရာဝန်တစ်ယောက်ကို အိမ်ငှားတင်ထားခဲ့ပါတယ်... အဲဒီတိုက်ခန်းလေးက အိမ်ငှားခစားနေရတာ ၄ နှစ်ကျော်သွားပြီ ဖြစ်သလို ၄ လွှာဆိုတော့ တိုက်ခန်းဈေးလည်း နည်းနည်း တက်လာပါတယ်။ ( ပညာယူကြပါ.. ပိုက်ဆံစုမိရင် တိုက်ခန်းဝယ်ထားပြီး အိမ်ငှားတင်ထားကြပါ၊ အရှုံးမရှိပါဘူး။း))))
၂၀၀၇ ၊ ဧပြီလမှာတော့ ကျွန်မနေမကောင်းလို့ ကျွန်မနဲ့သမီးလေး မြန်မာပြည်ပြန်သွားခဲ့တာ လေယာဉ်စရိတ်က သားအမိ ၂ယောက် ယန်းသောင်း ၂၀ ကျော် ကုန်ကျပြီး မြန်မာပြည်ရောက်တော့ ၂ လနေကြပြီး ဆေးကုတာနဲ့ ၊အလှူလုပ်တာနဲ့ အသုံးစရိတ်က ၂ လကို သိန်း ၂၀ ကျော်လောက်ကုန်သွားခဲ့ပါတယ်.... ၂ဖက်မိဘကိုလည်း ကန်တော့ဖြစ်ခဲ့တာပေါ့လေ... ပိုက်ဆံက ဒီကိုမပြန်လာခင်ပြတ်သွားလို့ ဦးဥာဏ်ကို ပို့လာခိုင်းတော့ အဲလောက်ပဲကုန်ရသလားဆိုပြီး နည်းနည်းပဲ ပို့ပေးခဲ့ပါတယ်... သူပြန်ရောက်မှ မြန်မာပြည်က အသုံးစရိတ်တွေအကြောင်း သိပါလိမ့်မယ်.. အဟေးးးး))) အဲဒါနဲ့ စင်္ကာပူက မောင်လေးဆီဖုန်းဆက်ပြီး အကူအညီတောင်းတော့ မောင်လေးက ငွေ ၅သိန်းပို့ပေးခဲ့ပါသေးတယ်... မြန်မာပြည်မှာ ၀င်ငွေမရှိပေမယ့် ထွက်တဲ့ငွေက တော်တော်မြန်ပါတယ်ရှင်.. သမီးလေးက “မေမေမုန့်ဘိုးပေး”ဆိုရင် ၂ ယောက်ဆိုရင် ၅၀၀ တန်မှ ရပါတယ်.. မောင်နှမ၀မ်းကွဲ ၄ ယောက်ဆိုတော့ တစ်ခါ မုန့်ဝယ်စားရင်ပဲ (သွားရည်စာလေးပဲ) ၁၀၀၀ တန်ပေးမှရပါတယ်.... ကြေးအိုးဆိုင်ကို မောင်နှမတွေ စုပြီးသွားစားကြရင် ငွေ ၂၀၀၀၀ ကျော်ရှင်းရပါတယ်... ကိုယ်က နိုင်ဂံဂျားပြန်ကြီးဆိုတော့ ဒိုင်ခံရှင်းရတာ များပါတယ်....း))))) ပိုက်ဆံ တစ်သိန်းဆိုရင် ခဏဆို ပလုံသွားတာပါပဲ။ ဒါတောင် ပြန်ခါနီး ပိုက်ဆံပြတ်သွားပြန်လို့ အစ်မက အချိုအအေးကြိုက်တာ ၀ယ်ကျွေးခဲ့ရပါသေးတယ်...း)))
၂၀၀၇ ဇွန်လမှာ သားအမိနှစ်ယောက် ဂျပန်ပြန်လာကြပြီး ၂၀၀၇ သြဂုတ်လမှာ မြန်မာသူငယ်ချင်း မိတ်ဆွေတွေနဲ့အတူ ဂျပန်ပြည်တွင်းခရီး Hamamatsu , Gifu , Kyoto , Kobe , Oosaka , Nagoya မြို့တွေကို အလည်သွားခဲ့ကြပါပြီး Oosaka Hotel မှာ တည်းခဲ့ကြပါတယ်။ Nagoya ရောက်တော့ Nagoyaမြို့မှာ နာမည်ကြီးစိန်ဆိုင်ရှိတာကြောင့် အရောက်သွားကြပြီး နာဂိုရာကို ရောက်ခဲတယ် ၊ရောက်တုန်းဝယ်ကြရအောင်ဆိုပြီး အမှတ်တရ စိန်လက်စွပ်နဲ့ စိန်ဆွဲကြိုး ကို Credit card နဲ့ ၀ယ်ဖြစ်လိုက်တာ ၂၀၀၇ နှစ်ကုန်အထိ အကြွေးဆပ်လိုက်ရပါတော့တယ်လေ။း))))))) ( စိတ်တော့မကောင်းပါဘူး ပြုံးဖြီးဖြီးကြီးနဲ့ပေါ့.. အဟတ်)း)))) အဲလိုနဲ့ ၂၀၀၇ မှာ ဘာငွေမှ မစုမိလိုက်ပါဘူး။
၂၀၀၈ မှာတော့ အကြွေးတွေ ကျေသွားလို့ ပိုက်ဆံပြန်စုကြရအောင်ဆိုပြီး ခရီးသိတ်မထွက်ဖြစ်ပဲ ပိုက်ဆံစုဖြစ်ခဲ့ကြပါတယ်... ဒါပေမယ့် ပိုက်ဆံကို ဘယ်လိုပဲစုစု တစ်နှစ်လုံးနေလို့ သိန်းတစ်ရာပြည့်အောင် မစုနိုင်ပါဘူးလေ... အလွန်ဆုံးစုနိုင် တစ်လ ယန်း၅ သောင်းနှုန်းပါပဲ။ ပိုက်ဆံစုမယ်ဆိုပြီး စုနေဆဲမှာပဲ ၂၀၀၈ စက်တင်ဘာလမှာ ဦးဥာဏ်က ပြင်သစ်မှာစာတန်းဖတ်ဖို့သွားရမှာဖြစ်လို့ လိုအပ်တာတွေဝယ်ပေးရင်း နဲ့ ကုန်စရာတွေက ပေါ်လာပြန်တာပဲလေ... ခရီးစရိတ် နဲ့ ဟိုတယ်စရိတ် ၊စားသောက်စရိတ်တွေ ပြန်ရပေမယ့် ကျန်တာတွေ အကုန် ကိုယ်အိပ်စိုက်ကုန်ရပြန်တာပါပဲ ။ ဦးဥာဏ်က ပြင်သစ်ရောက်မှတော့ မိန်းမအတွက် Louis Vuitton အိပ်ဝယ်ရမယ်ဆိုပြီး ဈေးကြီးလွန်းလို့ ကျွန်မက မမှာပေမယ့် Credit card နဲ့ ၀ယ်လာခဲ့လေတော့ ပြန်လာတော့ ဆပ်ပါဦး အကြွေး ၂ လ။း))))) အဲဒီ Credit card ကြီးက သုံးလို့တော့ အရမ်းကောင်းပါရဲ့ ကြွေးဆပ်ရတော့မယ်ဆိုမှ စာရင်းတွေထွက်လာလိုက်တာ မျက်လုံးပြူးပါရောပဲ.. အဟဲ.( အားလုံး တူတူပဲလေ.. ဟုတ်တယ်ဟုတ်)း)))))
၂၀၀၈ နှစ်ကုန်အထိ အကြွေးဆပ်လိုက်ရပြီးတော့ ၂၀၀၉ မှာ စင်္ကာပူက မောင်လေးမင်္ဂလာဆောင်မယ်ဆိုတော့ သွားချင်ပြန်လေရောလေ.. အဲဒါနဲ့ မောင်လေးတို့ကို လာမယ်ပေါ့ပြောလိုက်တယ်... သူတို့ကလည်း အရမ်းလာစေချင်ကြတယ်... ကျွန်မကလည်း သွားချင်တာ ဘလော့ဂါမောင်နှမတွေနဲ့ဆုံချင်တာလည်းပါတယ်လေ ညီမလေး Dream ကို စင်္ကာပူလာမယ်ဆိုပြီး ပြောပြထားလိုက်တယ်။ ညီမလေးဒရင်းကလည်း ကျွန်မလာရင် ဘလော့ဂါမောင်နှမတွေနဲ့ တွေ့ဆုံပွဲလုပ်နိုင်အောင်သူစီစဉ်ပေးမယ်ဆိုလို့ ပျော်စရာကောင်းမှာပဲဆိုပြီး ပိုသွားချင်ခဲ့မိပါတယ်.... ဒါပေမယ့် စင်္ကာပူမင်္ဂလာပွဲကို မေမေ နဲ့ မမက လာကြမယ် ဆိုတော့ သူတို့ကိုကြုံတုန်း ဂျပန်ဆက်လာစေချင်တာနဲ့ ဂျပန်ဆက်လာနိုင်အောင်ဖိတ်ခေါ်ပြီး ခရီးစရိတ်ပို့ပေးလိုက်ပါတယ်... အဲဒီတော့ ကျွန်မအရမ်းသွားချင်တဲ့ စင်္ကာပူခရီးစဉ်ကို ဖျက်ဖို့အကြောင်းဖန်လာခဲ့ရပါတယ်။ မေမေ နဲ့ မမ ဒီရောက်ရင် သုံးဘို့ငွေလည်းလိုဦးမယ်။ ကျွန်မတို့ပါ စင်္ကာပူသွားရင် ပိုက်ဆံကလောက်နိုင်တော့မှာ မဟုတ်လို့ ဦးဥာဏ် အလုပ်များတာကို အကြောင်းပြပြီး မောင်လေးကို မင်္ဂလာဆောင် မလာနိုင်တော့ကြောင်း ဖျက်ခဲ့ရပါတယ်... တကယ်တော့ ပိုက်ဆံမရှိတော့လို့ပါ။ အဟတ်း))))))
၂၀၀၉ ဇန်န၀ါရီမှာ မေမေ နဲ့ မမ ဒီကိုအလည်ရောက်ကြပြီး လည်စရာနေရာတွေကိုလိုက်ပို့ပေး ၊ အချိန်မရတာရယ် ငွေအခြေအနေရယ်ကြောင့် ဝေးဝေးလံလံနေရာတွေလည်း လိုက်မပို့ပေးနိုင်ခဲ့ပါဘူး။ တိုကျိုပတ်ဝန်းကျင်မှာရှိတဲ့ နာမည်ကြီးနေရာလေးတွေကိုပဲ လိုက်ပို့ဖြစ်ခဲ့ပါတယ်။ ဘယ်သွားသွား တစ်ရက် အပြင်ထွက်ရင် ခရီးစရိတ်နဲ့ စားစရာက ယန်း ၁၀၀၀၀ ပုံမှန် အနည်းဆုံးပါပဲ။ ဂျပန်မှာက ခရီးစရိတ်ကြီးပါတယ်။ ဝေးဝေးလံလံ ဘယ်မှ လိုက်မပို့နိုင်ခဲ့လို့ ဂျပန်ရောက်တုန်း အမှတ်တရအဖြစ် Shinjuku မှာရှိတဲ့ စိန်ဆိုင်ကိုခေါ်သွားပြီး မေမေ ၂ယောက်နဲ့ မမ ၂ယောက်အတွက် လက်စွပ်တစ်ကွင်းစီ လက်ဆောင်ဝယ်ပေးလိုက်ပါတယ်။ မောင်လေး ၂ယောက်အတွက်တော့ နာရီ တစ်ယောက်တစ်လုံးစီပေါ့လေ... ဂျပန်ပြည်အမှတ်တရပေါ့.... ရှင်းလိုက်တာက သိတဲ့အတိုင်း Credit card နဲ့ဆိုတော့ ပလုံ ပလွမ်... ပလုံ ပလွမ် ( အသံတော့ မြည်တယ်. အဟတ်)း))) ဆပ်လိုက်ရတဲ့အကြွေး ဒီလမှပဲကြေပါတော့တယ်လေ... အဟားးးးး ( စုမိတာ..စုမိတာ.. ငွေတွေ ..အဲလောက်)း)))))) ဂျပန်မှာ နေတာ၎နှစ်ကျော်သွားပြီ တိုက်ခန်းလေး တစ်ခန်း နဲ့ ဖုန်းလေးတစ်လုံးပဲ ၀ယ်နိုင်လိုက်ပါတယ်။ သူများတွေကြားရင်တော့ ရယ်မလား မသိပါဘူး။ တကယ်ပြောတာပါ။ ဒီလောက်ကလေးကတော့ ကြွားစရာလည်းမဟုတ်ပါဘူးနော်. .း))))
အခု လာပြန်ပြီ တမျိုး.... ဦးဥာဏ်က စက်တင်ဘာ ပထမပတ်မှာ စင်္ကာပူမှာစာတန်းသွားဖတ်ရပါမယ်။ အဲလိုဆိုတော့ မီးမီးတို့လည်း လိုက်ချင်တယ်ပေါ့နော်..း)))) သွားကြမယ် မိသားစု ၊ မတတ်နိုင်ဘူး ငွေကုန်တာ ကုန်ပါစေတော့ပေါ့။ မြန်မာပြည်ပြန်ရောက်သွားရင် ခရီးထွက်ဖို့ မလွယ်ဘူး။ ဒီတခါ တကယ် စင်္ကာပူသွားကြမယ်လို့ စီစဉ်ထားပြန်ပါလေရဲ့...စင်္ကာပူမှာတော့ ဟိုတယ်တောင်ဘွတ်ကင်လုပ်ထားလိုက်ပြီ..အဟေးးး ဒါပေမယ့် အခုလောလောဆယ် ခက်နေတာက ကျွန်မ ပတ်စ်ပို့စ်ဗီဇာက ၂၀၁၀ ဇန်န၀ါရီလကုန်အထိပဲရှိနေလို့ စကာင်္ပူသံရုံးမှာ ဗီဇာလျှောက်လို့ ရမလားလို့ ဦးဥာဏ်က ဒီနေ့စုံစမ်းတော့ ...စင်္ကာပူ သွားမှာက စက်တင်ဘာလဆိုတော့ အနည်းဆုံး ပတ်စ်ပို့စ်ဗီဇာက ၆ လကျန်မှရမယ်တဲ့လေ။ အဲဒါနဲ့ မြန်မာသံရုံးသွားပြီး အခွန်ဆောင်ပြီး ပတ်စ်ပို့သက်တမ်းမကုန်ခင် သက်တမ်းကြိုတိုးရပါဦးမယ်ရှင်။း)))) ကုန်စရာတွေက အဲလိုပေါ်လာတာ....
ဒီတခါတော့ မဖြစ်မနေ လာနိုင်အောင်ကြိုးစားနေပါတယ်... မောင်နှမတွေ အများကြီးနဲ့ တွေ့ဆုံချင်ပါတယ်။
ကျွန်မလာရင် မုန့်ကျွေးဘို့ ကြိုတင်ဘွတ်ကင်လုပ်နေတဲ့သူတွေရှိနေပါတယ်... အဟားးး စားရဦးမှာပဲ... ပိုက်ဆံမရှိဘူးလို့ ကြိုငြီးပြထားတာနော်.... တကယ်လာမှ မပြေးကြနဲ့ .... ဒီက လေယာဉ်စရိတ်နဲ့ ဟိုတယ်ခပဲ အကုန်ခံမှာ... စကာင်္ပူရောက်ရင်တော့ ဘလော့ဂါမောင်နှမတွေအိမ်ကို တစ်အိမ်တက်ဆင်း လိုက်စားရတော့မှာပဲ။ အခုကတည်းက သတင်းပေးထားတာနော်.. ကြိုရှောင်ပုန်းနေလို့ရတယ်.....း)))))))
ပျော်ရွှင်ချမ်းမြေ့ကြပါစေ..
ဝါ၀ါခိုင်မင်း
| [+/-] |
idulize>>> အတွေ့ချင်ဆုံး ၁၀ယောက် |
အတွေးချင်ဆုံး ၁၀ယောက်ဆိုပြီး ပန်းခင်းလေး က တက်ခ်ထားတာပါ.. ကြာပါပြီ ... မအားတာနဲ့ မရေးဖြစ်တာ ခု တက်ခ်အကြွေးတွေ များလာပြီဆိုတော့ စတင်ရေးပြီဗျာ စာရေးတဲ့မောင်နှမတွေထဲမှာ တွေ့မြင်ဖူးတဲ့ မောင်နှမတွေရှိသလို မတွေ့မမြင်ဖူးပဲ ခင်မင်တဲ့မောင်နှမတွေလည်း အများကြီးပါ .. အတွေ့ချင်ဆုံး၁၀ ယောက်ဆိုတော့ စာရေးတဲ့ မောင်နှမတွေထဲမှ အပြင်မှာ တွေ့ခွင့်ရချင်တဲ့ တွေ့ချင်မိတဲ့ ၁၀ယောက်ကိုပဲ ဖေါ်ပြလိုက်ပါတယ် ..။၁၀ယောက်ထဲ ကန့်သတ်ထားတော့ ခက်သားပဲ ..။ ဘလော့ခ်စာမျက်နှာပေါ်မှာ သိကျွမ်းခွင့်ရခဲ့တဲ့ မောင်နှမတွေ အားလုံးကိုတွေ့ချင်မိတာတော့ ရင်ထဲက ဆန္ဒပါ ..။
၁ ... ဘလော့ခ်စရေးတုန်းက တတိယမြောက် ခင်မင်ခဲ့ရတဲ့ ညီမလေး .. ဝေလေး ပါ ..။ညီမလေး ဝေလေးနဲ့ ကဗျာအကြောင်းလေးတွေ စသည့်ဖြင့် ပြောခဲ့ရင်း သံယောဇဉ်တိုး ခင်မင်သွားတဲ့ ညီမလေးပါ ..။ခုတော့ တစ်ယောက်နဲ့ တစ်ယောက် ဘီးဇီး နေတာနဲ့ အရင်ကလို စကားသိပ်မပြောဖြစ်တာ ကြာပါပြီ ..။အခွင့် ရှိသေးမယ်ဆိုရင်ဖြင့် ညီမလေး ဝေလေးနဲ့ တွေ့ဆုံချင်ပါသေးတယ် ..။ပထမ စသိတဲ့တစ်ယောက်နဲ့ ဒုတိယကတော့ ပြည်တွင်း ပြန်လာတုန်းလေး တွေ့ဖူးသွားပါပြီ ..။
၂ ... စတုတ္ထမြောက်သိကျွမ်းခဲ့တဲ့ ညီမငယ် ငှက်ငယ်လေးပါ .. တစ်နိုင်ငံနဲ့ တစ်နိုင်ငံ မတူညီတဲ့အချိန်(နေ့ ၊ည )မှာ ညီမငယ်ငြိမ်းက မနက်ဆို ကျွန်တော်က ည ကျွန်တော်ညဆို သူက မနက် .. အလုပ်တစ်ဖက်နဲ့ အချိန်ပိုင်းလေးပဲ ပြောခွင့်ရခဲ့တဲ့ ညီမငယ် ငှက်ငယ်လေးကိုလည်း စကားတွေပြောရင်း ရင်းနှီးမှု ရလာတာနှင့် အမျှ တွေ့ချင်မိလာတဲ့အထဲ သူတစ်ယောက် အမြဲလိုလိုပါပဲ ..ခုတော့ စကားမပြောဖြစ်တာ တော်တော့ကို ကြာပါပြီ .. ခုဆို ကျွန်တော် ညပိုင်း အွန်လိုင်း တက်တဲ့ အချိန်တွေဆို ငြိမ်းကိုများ တွေ့မလားလို့ မျှော်နေတတ်မိပါတယ် ..။
၃ ... ညီမငယ် ငွန်ငယ်မိုးပါ .. စကားပြောရင် “ နော့ ” ဆိုတာလေး ထည့်ထည့်ပြောတတ်တယ် ညီမငယ်ပါ ..။
ငွန်ငယ် အားလို့ အွန်လိုင်းတက်လာတဲ့အချိန် ကျွန်တော်အွန်လိုင်းတက်တဲ့ အချိန်နဲ့ တိုးရင် စကားပြောဖြစ်တာ များပါတယ် ..။ခုတော့ မတွေ့ဖြစ်တာ ကြာပါပြီ .. ဘလော့ခ်လည်း သူကိုယ်တိုင် မရေးတော့ပါဘူး ..။ သူ့အစ်ကို ကိုလတ်ပဲ ဆက်ရေးပါတော့တယ် ။မောင်နှမ နှစ်ယောက်လုံးနဲ့လည်း တွေ့ချင်မိပါတယ် ..။ သတိတရလည်း ရှိပါတယ် ..။
၎ ...အဘွား နေရီနွယ်ပါ .. အဘွားနဲ့ကတော့ သူစာကျက်လို့ အိပ်ငိုက်လာတဲ့ အချိန် .. ပျင်းလို့ သက်ပြင်းချတဲ့ အချိန်တွေအပြင် တွေ့တိုင်း စနောက်ပြီး မောင်နှမအရင်းလို ပြောဖြစ်ကြတဲ့ အဘွားပါ ..(အဘွားလို့ ခေါ်ရခြင်းမှာ သူ့အိမ်ကို စသိခါစက စာဖတ်ပြီး ဆီပုံးမှာ ကျွန်တော့်ထက် အသက်ကြီးမယ်ထင်ပြီး အစ်မဆိုပြီး ရေးခဲ့မိတယ် .. နောက်ပိုင်း စကားပြောဖြစ်ကြတော့ ကျွန်တော့်ထက် အသက်ငယ်မှန်း သိခဲ့ရတယ် ...အဲမှာ သူက သူ့ကိုအသက်ကြီးတယ်လို့ ထင်တယ်ဆိုပြီး စိတ်ကောက်စွာနဲ့ ကျွန်တော့်ဆီပုံးမှာ အဘိုး ဆိုပြီး ပြန်လာအော်လို့ ကျွန်တော်ကလည်း သူ့ကို အဘွားလို့ စနောက် ခေါ်ခြင်းပါ . ။) စာတွေ ကြိုးစားနေတာလေ ..ကျွန်တော် လိုင်းပေါ် မရောက်တာနဲ့ ညီမလေး နဲ့ အေးဆေး မပြောဖြစ်တာ ကြာပါပြီ ..။ မောင်နှမအရင်းအဖြစ် သတ်မှတ်လို့ ကတိတွေ ပေးထားတဲ့ ညီမလေးပါ .. သူ့နဲ့လည်း တွေ့ချင်ပါတယ် .။ ပါးကွက်ကလေးကတော့ အမှတ်ရစမြဲပေ့ါ ..။
၅ ... မကြီး အိန္ဒြာပါ .. ကဗျာတွေ အရေးကောင်းပြီး မောင်လေးတစ်ယောက်အပေါ် သွန်သင်ပြတဲ့ မကြီးပါ ..။
မကြီးနဲ့ မအားလို့ စကားမပြောဖြစ်ရင်တောင် အွန်လိုင်းမှာ မကြီး ရှိနေတယ် ဆိုရင်ဖြင့် ကျွန်တော်က ပျော်နေတတ်သူပါ ..စကားပြောဖြစ်တဲ့ အခါကျရင်တော့ အတိုင်းမသိ ပျော်နေမိတယ် .. ကဗျာအကြောင်းလေးတွေ ပြောလိုက် အလုပ်အကြောင်းလေးတွေ ပြောလိုက်နဲ့ နေ့ရက်ကလေးတွေ ကုန်လွန်လာတာနှင့်အမျှ မကြီးကိုလည်း တွေ့ချင်ပါတယ် .. တစ်ရက်တစ်ရက်နဲ့ မကြီးနဲ့ တွေ့ဖို့ နီးလာတာနှင့် အမျှ ပျော်နေမိတာလည်း အမှန်ပါ ..။ ဘ၀တာတိုမှာ ကျွန်တော် မြတ်နိုးရသော ကဗျာတွေ .. ကဗျာတွေကိုရေးနေသော မကြီး .. စသည်ဖြင့် ကဗျာတွေကြားမှာပဲ ကဗျာဆရာ .. မကြီးကို တန်ဘိုးထားပါ၏ ..။
၆ ... ကိုအိမ်ပါ .. ဟာသတွေပြောင်မြောက် ဖတ်ရသူ စိတ်အနောက်တွေ ပြေပျောက်အောင်ရေးနိုင်တဲ့ ကိုအိမ် ...
ပြီးတော့ ခုလက်ရှိ ချစ်သူ မရသေးဘူးလေ (လူတကာ သိအောင်လို့ ) ၊ အဲ့အစ်ကိုတော် ကိုအိမ်နဲ့လည်း တွေ့ချင်ပါတယ် ...မကြာတော့မဲ့ အချိန်မှာတော့ တွေ့ရမယ်တော့ မျှော်လင့်ရတာပါပဲ ..။
၇ ... အစ်မ၀ါပါ .. MBS နဲ့ ပတ်သက်တဲ့ ပို့စ်လေးတစ်ခု တင်တာကို ကွန်းမန့်သွားပေးရင်း ခင်မိခဲ့တဲ့ အစ်မပါ ..
အပြန်အလှန် စာတွေ ဖတ်ရင်း ရင်းနှီးချစ်ခင်ခဲ့တဲ့ အစ်မပါ .. အစ်မတော်လည်း ဘယ်အချိန် ပြန်လာမယ် မသိပေမယ့် အခွင့်ရှိသေးတယ် ဆိုရင်ဖြင့် တွေ့ချင်ပါသေးတယ် .. (အစ်ကိုနဲ့ သမီးငယ်လည်း ပါတယ်နော် ) ..။
၈ ... BLACK DREAM ပါ .. စာအရေးအသားကောင်းသလို နည်းပညာထဲမှာ ကျွန်တော် နှစ်သက်မိတဲ့အထဲ ဘလက်လည်း အပါအ၀င်ပေါ့ .. ပြီးတော့ ပြီးတော့ .... ထိုကြောင့် ထို့ကြောင့်လည်း သူ့ကို ခင်မိပါတယ် သူပြန်လာတဲ့ အချိန်တွေ့ရဦးမယ်လို့လည်း မျှော်လင့်မိသလို တွေ့လည်း တွေ့ချင်ပါသည် ..။သူကတော့ ပြန်ရောက်ရင် ဘယ်သူ့ကို အရင်တွေ့မယ် မသိ .. ဟိဟိ ..။
၉ ... အစ်မ ကောင်းကင်ပြာပါ .. အစ်မတော်နဲ့ ကျွန်တော် အကြိုက်ချင်း တူတာ တစ်ခုရှိတယ် .. ။ ဘလော့ခ်သွားဖတ်ရင်း တွေးမိတာက ကျွန်တော့်ထက် အသက်ငယ်မယ်ထင်တာ .. တစ်ကယ့်တစ်ကယ် သိပြီဆိုမှ ကျွန်တော့်ထက် အသက်ကြီးတာ သိတာ .. ဟီး .. ( ၁၆နှစ် ဟုတ်ဘူးနော် ).. ပြီးတော့ ပြန်လာမယ် ပြန်လာမယ်ဆိုပြီး ပြန်မလာသေးတဲ့အတွက်ရော အကြိက်ချင်းတူတာလေး အတွက်ရော ကဗျာလေးတွေ လာလာဖတ်တဲ့အခါ စိတ်ထဲက သံယောဇဉ်တိုးလို့ ခင်မင် တွေ့ချင်မိတဲ့ အစ်မပါ ..။
၁၀ ... ဦးနော်နဲ့ တီငယ်ပါ (နှစ်ယောက်ဆိုပေမယ့် ) ဘလော့ခ်တစ်ခုထဲမို့ တစ်ယောက်အဖြစ်ပဲ သတ်မှတ်တာ ..
တီငယ့် စာတွေဆို အရမ်းကြိုက်တယ် .. စာတွေ ဖတ်ရင်း ဖတ်ရင်း ခင်မင်မှုလေးတွေ ရတဲ့အခါ တီငယ်က သူရေးထားတဲ့ စာလေးတွေကို မေးလ်ကနေ ပို့ပေးဖူးတယ် .. ပြီးတော့ စသိခါစတုန်းက ပို့စ်တွေ အကုန်မဖတ်ရသေးပဲ မေးမိတာ တစ်ခုအတွက် တီငယ်ဖြေရှင်းချက် ထုတ်ရတာ မှတ်မိသေးတယ် .. ဟိ ..ပြီးတော့ ဦးနော် ကဗျာရွှတ်တဲ့ အသံ ...၊ နားထောင်ရပေမယ့် ဦးနော်မှန်း မသိတဲ့ အဖြစ် .. .. နားထဲမှာ ကဗျာတစ်ပုဒ်ရဲ့ အသံအနေအထား ပီပြင်ပြောင်မြောက်အောင် ရွတ်ဆိုနိုင်တဲ့ ဦးနော် .. အရေးကောင်းတဲ့အတွက်ရော .. စသည်ဖြင့် အဲလိုအဲလိုတွေကြောင့် တွေ့ချင်ပါ၏ ...
ညီမလေး ပန်းခင်းရေ .... ခုမှပဲရေးပေးဖြစ်တာ နားလည်ပေးပါနော့ .... တော်သေးတယ် အကြွေးရှင်က မေ့နေတာ နေမယ် ..အကြွေးမတောင်းလို့ ...။ သတိရတုန်းလေး ရေးလိုက်တာ ... ဆက်ရေးရင် ဘလော့ခ်စာရင်းဝင် အကုန်ပါမှာ သေချာတယ် ..။တွေ့သာတွေ့ချင်တာ .. ၁၀ယောက်လုံးရဲ့ဘလော့ခ်တွေ နောက်ပိုင်း မဖတ်ဖြစ်တာ များနေပြီ .. စိတ်ဆိုးနဲ့နော် ..မအားလို့ပါ ..။နောက်များ မကြာမီ အိမ်တွေ ပြန်လည်လို့ စာဖတ်ဖြစ်တော့မှာပါ ..။ ခုတော့ ဘူးသီးနော် ..။
| [+/-] |
idulize>>>ညည်းဖြစ်သော သီချင်းများ |
ညည်းဖြစ်တဲ့ သီချင်းများဆိုပြီး ပရော်စီကွေ့ခေါ် ဇောင်းက တက်ခ်ထားသည့်အတွက် လတ်တလော ညည်းဖြစ်တဲ့ သီချင်းတွေကို စိတ်ထဲက ညည်းရင်း ရေးလိုက်ပြီ ....။
၁ .. အာဇာနည် ( မင်းလေးတစ်ယောက် )
“အလွမ်းဆုံးသီချင်းလေးတစ်ပုဒ်နဲ့ ငါမင်းကိုမေ့ချင်လဲ ... သီချင်းလေးထဲအထိ မင်းရဲ့အကြောင်းတွေ ၀င်ဝင်လာတယ် ... အိပ်ပစ်လိုက်ဖို့ ဆေးတစ်ခွက် ငါသောက်ပြီး အိပ်ပျော်သွားတယ် .. အိပ်မက်ထဲတောင် မင်းလေးရောက်နေဆဲ ...... မချစ်နဲ့ မချစ်နဲ့ လူတွေက မုန်းဖို့ပြောတယ် .. ကိုယ့်ရဲ့အနားမှာ မင်းမရှိပဲ ဘယ်လို နေနိုင်မလဲ .. အချစ်နဲ့ အမုန်းနဲ့ ဘယ်လိုများ ပြောင်းလဲရမယ် အသက်ရှင်ခြင်းရဲ့ အကြောင်းပြချက် ကိုယ့်ရင်ထဲမှာ မင်းလေး တစ်ယောက်ထဲပဲ” .....။
၂ .. Gay Zar ( ဆန္ဒတစ်စုံတစ်ရာ )
“ချစ်တဲ့ မျက်ဝန်းလေး နှလုံးသားချင်းနားလည်ခဲ့ .. လျှို့ဝှက် သံယောဇဉ် ရင်ခုန်စွာ တမ်းတရင်း .. အို နေ့ရယ်
အို ညရယ် စိုးမိုးလို့ ထားခဲ့ပြီပေ့ါ ... မေ့မရ သူ့နှုတ်ခမ်းလေး နုညံ့တဲ့ မုန်းတိုင်းလေးလား” ....။
၃ .. cobra ( ရူးမတတ်ခံစား )
“မင်းကိုတွေ့တဲ့ နေ့ကစပြီး ရင်ခုန်သံတွေကို သံစဉ်ဖြစ်အောင် ပြောင်းလဲတတ်လာခဲ့တယ် .. တစ်နေ့နေ့ တစ်ချိန်ချိန်မှာ ငါ့အနားကမင်း ပျောက်ဆုံးသွားမှာကို အရမ်းကြောက်နေလို့ ..... ငါရေးထားတဲ့ ကဗျာတစ်ပုဒ် နံရံပေါ်တွေ့လို့ ဖတ်ကြည့်လိုက်တော့ မင်းအကြောင်းဖြစ်နေလို့” ....။
၎ .. ဒီလေး ( မင်းနားလည်မှာပါ )
“မလွမ်းပဲ မနေနိုင်အောင် မင်းလုပ်ခဲ့တယ် .... မချစ်ပဲ မနေနိုင်အောင် မင်းရဲ့ အပြုံးရယ် .. နှလုံးသားဒဏ်ရာတွေ မင်း မပေးပဲနဲ့ ရရှိခဲ့တာ ဘာကြောင့်လဲ” ....။
၅ .. ဟန်ထွန်း ( အလွမ်းကဗျာရှည် )
“ အလွမ်း ... ကဗျာလေးပဲ ........ ကဗျာရှည်ဟာ မဆုံးဘူး ..... အနမ်းတစ်ခုလည်း ကြွေကျသွား ..... ကိုယ့်ရင်ထဲ .. အမြဲသိမ်းထား .... ရင်ခုန်သံကာရံလေးများ” ....။
၆ .. ဒီလေး ( မသိခြင်းများ )
“မယုံရင် ကိုယ့်ရင်ကိုဝင်ကြည့် မင်းမသိတဲ့ အချစ်တွေ ပြည့်ကြပ်လွန်းတဲ့ မင်းရဲ့အကြောင်းတွေ .. ဘယ်သူမှမသိ ကိုယ်တိုင်နားမလည်သော မင်းရဲ့စိတ်ကို အဖြေရှာခဲ့ ... ယုံပါချစ်သူလေး .. မင်းရဲ့အနီးအနားမှာ အရိပ်တစ်ခုအဖြစ်နဲ့ နေခွင့်ရချင်တယ် .. ဆုတောင်းလဲ .. တစ်ကယ်ကို မပြည့်နိုင်ခဲ့ .. အချစ်နတ်ဘုရားရေ .. ဘယ်မှာလဲ .. ဟယ် ..အိုး.........ဟိုးးးးး” ....။
ညီငယ် .. ဇောင်း ..ရေ .. ရေးလိုက်ပြီနော် ..
